قىزىلوردادا اسا ءىرى مولشەردە ەسىرتكى زاتىن تاسىمالداعان وبلىس تۇرعىنى ۇستالدى، دەپ حابارلايدى Dalanews.kz.
پاترۋلدىك پوليسيا ينسپەكتورلارى سامارا-شىمكەنت تاس جولىنىڭ ارال اۋدانى اۋماعىنىڭ تۇسىندا قىزمەت اتقارۋ بارىسىندا جول قوزعالىسى ەرەجەسىن بۇزعان جەڭىل اۆتوكولىكتى توقتاتقان.
“تەكسەرۋ بارىسىندا اۆتوكولىكتىڭ جۇك سالعىشىنان جولاۋشىعا تيەسىلى بىرنەشە بولىكتەرگە ءبولىنىپ، سالىنعان ەرەكشە ءيىسى بار ءشوپ ۇنتاقتارى انىقتالدى. ساراپتاما قورتىندىسىنا سايكەس انىقتالعان زات سالماعى 1،8 كگ. كەپتىرىلگەن ماريحۋانا ەكەنى بەلگىلى بولدى. بۇل اسا ءىرى مولشەرگە جاتادى”، - دەلىنگەن حابارلامادا.
اتالعان دەرەك بويىنشا سوتقا دەيىنگى تەرگەپ-تەكسەرۋ ارەكەتتەرى جۇرگىزىلۋدە. 57 جاستاعى وبلىس تۇرعىنى سوت سانكسياسىمەن ۋاقىتشا ۇستاۋ يزولياتورىنا 2 اي مەرزىمگە وقشاۋلاندىرىلدى.
