Qyzylorda oblysynyń ákimi Nurlybek Nálibaevtyń qoldaýymen, oblystyq ardagerler keńesiniń uıymdastyrýymen óńirde alǵash ret respýblıkalyq ájeler forýmy ótti,– dep habarlaıdy Dalanews.kz

Alǵashynda 2023 jyly Túrkistan oblysynda ótken forým aıasynda «Aıaly áje» músin-tańbasy ázirlengen edi. Sodan beri ájeler mektebin damytý tájirıbesin basqa óńirlerde de nasıhattaý úshin aımaqtarǵa «Aıaly áje» músinin tapsyrý chellendji ótkizilip keledi.

Bıyl 14 naýryz - Amal kúni Mańǵystaý oblysynyń ardagerler keńesiniń ókilderi músindi Qyzylorda oblysynyń ardagerler keńesiniń tóraǵasy Serik Dúısenbaevqa tabystaǵan.

Búgin Qyzylorda qalasyndaǵy «Dostyq úıinde» ótken forýmǵa 200-den astam qonaq jınaldy.

Basqosýda oblys ákiminiń birinshi orynbasary Danıar Janalınov ájelerdiń qoǵamdaǵy róline toqtalyp, forým qatysýshylaryn quttyqtady.

Óńirlerden arnaıy kelgen qadirli meımandar men aımaqtaǵy ardagerler qozǵalysynyń damýyna ózindik úles qosqan jandarǵa oblys ákiminiń Alǵys haty tabystaldy.

Sonymen qatar, oblystyq ardagerler keńesiniń tóraǵasy Serik Dúısenbaev jastarǵa ulttyq tárbıe berý arqyly ardagerler qozǵalysynyń belsendisi atanǵan ájelerdi keńestiń Qurmet gramotasymen marapattady.

Forýmǵa qatysýshylar jergilikti ónerpazdardyń konserttik baǵdarlamasyn tamashalady.

Qyzylorda oblystyq ájeler alqasynyń tóraıymy Razıa Qaljanova forým úndeýin jarıalady.

Jas urpaqtyń tárbıesi men tálimin dáripteıtin aq jaýlyqty, aıaýly ájelerdiń qurmetine arnalǵan «Aıaly áje» forýmynyń estafetasyn Ulytaý oblystyq ardagerler keńesi tóraǵasynyń orynbasary Sársenkúl Qazymbetovaǵa saltanatty túrde tabystady.