QMA Qyzylorda oblysy boiynsha departamenti tsifrlyq aktivterdiń zańsyz ainalymyn uiymdastyrý jáne esirtki satýdan túsken kiristerdi zańdastyrý deregi boiynsha tergeýdi aiaqtady, dep habarlaidy Dalanews.kz.
Bir jyl boiy kásibi aqsha jylystatýshylar toby Binance platformasynda tsifrlyq aktivterdi aiyrbastaý operatsiialaryn júrgizgen.
Kriptoámiiandar arqyly ótken jalpy ainalym 1,88 mlrd teńgeden asty.
Sonymen qatar, kúdiktiler «Fresh», «Butterfly», «CrystalOrganic», «Traýtvait NON kivi» jáne «SkittyShop» Telegram-arnalary arqyly esirtki satýdan túsken 603 mln teńgeni zańdastyrǵan.
Shemada shetel azamattarynyń atyna tirkelgen drop-kartalardyń uiymdasqan jelisi paidalanylǵan.
Qylmystyq jolmen alynǵan tabysqa kúdiktiler turǵyn úi, páter, 5 avtokólik satyp alyp, sondai-aq otbasylyq meiramhana salǵan.
Sottyń sanktsiiasymen atalǵan múlikke tyiym salyndy.
Qylmystyq is sotqa joldandy.
Eki kúdikti qamaýǵa alyndy.
QR QPK-niń 201-babyna sáikes ózge aqparat jariia etýge jatpaidy.
