Qyzylorda qalasynda «22 naýryz – Ulystyń Uly kúnine» arnalǵan «Bereke bastaýy – áz Naýryz» atty mádeni-kópshilik sharada qol ónershi 30 áje «1000 quraq kórpe» kórmesin tanystyrdy. Sondai-aq, «Bei, aidai» ánin aityp, shashý shashyp, qonaqtarǵa tartýlaryn usyndy, dep habarlaidy Dalanews.kz
Eske salsaq, 2025 jyly Almaty qalasynda 660 quraqshynyń qatysýymen ótken halyqaralyq sharada jańa jahandyq rekord ornatylǵan bolatyn.
27 qańtar kúni Astana qalasynda 69 eldiń qatysýymen 660 sheberge «Álemdik rekordtar» kitabynyń medali tabystaldy. Sonymen qatar, joba «Álemdik jetistikter art-kitabyna» engizilip, qazaqtyń quraq óneri halyqaralyq deńgeide moiyndaldy.
Atalǵan bastamaǵa Syr óńirinen 56 qolóner sheberi qatysyp, óńirdiń rýhani áleýetin álemdik deńgeide tanytýǵa eleýli úles qosty.
Aita keteiik, 2023 jyly bastaý alǵan «Alaman Quraq» jobasy – qazaqtyń dástúrli quraq ónerin jańǵyrtyp, ony álemdik mádeni keńistikke engizýge baǵyttalǵan mańyzdy bastama.
Jobanyń negizgi maqsaty – ulttyq bolmysty saqtaý, analar men áielderdiń qolóner arqyly qoǵamdaǵy rólin arttyrý jáne dástúrli ónerdi áleýmettik-ekonomikalyq qoldaý quralyna ainaldyrý.
