Búgin oblys ákimi Nurlybek Nálibaevtyń qatysýymen Sabalaq eldi mekenine gaz qosý rásimi ótti. Oǵan Parlament Májilisiniń depýtattary Murat Ábenov, Marhabat Jaiymbetov,Murat Ergeshbaev, quqyq qorǵaý organdarynyń birinshi basshylary, máslihat depýtattary, ziialy qaýym ókilderi men el aǵalary arnaiy qatysty, dep habarlaidy Dalanews.kz.
Aimaq basshysy turǵyndardy kópten kútken igiliktiń iske asýymen quttyqtady.
«Memleket basshymyz Qasym-JomartKemelulyqalamyzda ótken Ulttyq quryltaida: «Sońǵy jyldary Qyzylorda oblysy zaman talabyna sai ósip-órkendep jatyr» dep, aimaǵymyzdyń barlyq salada qarqyndy damyǵanyn erekshe atap ótti. Cyr óńirinde atqarylǵan jumystarǵa oń baǵasyn berdi.
Tarihi missiiasy mańyzdy jiynda Memleket basshymyz Qyzylorda qalasynda 300 oryndyq kópbeiindi aýrýhana qurylysy bastalǵanyn, aldaǵy ýaqytta 500 oryndyq emhana men 200 oryndyq perzenthana salynatynyn, jańa drama teatr men zamanaýi Prezidenttik kitaphana qurylysy bastalatynyn jariialady.«Batys Eýropa – Batys Qytai» halyqaralyq avtodáliziniń Qyzylorda – Aqtóbe baǵytyndaǵy jolyn tórt jolaqty etip keńeitý jobasy, «Beineý – Sekseýil» jolynyń qurylysy biyl qolǵa alynatynyn aitty. Bul – Memleket basshymyzdyń Syr jurtshylyǵyna ystyq yqylasy, turǵyndarymyzdyń bekem birligi men tatý tirliginiń nátijesi!
Halqymyzda «Muraty birdiń qýaty bir» degen sóz bar. Aýyldyń damýy, keleshegi Sizderge, turǵyndardyń eńbekqorlyǵymen aýyzbirligine bailanysty. Sabalaqqa qosylǵan kógildir otyn halyqtyń turmys sapasyn arttyryp, áleýmettik jaǵdaiyn jaqsartýǵa oń áser etedi dep senemiz!», – dedi N.Nálibaev.
Rásimde aimaqtyń áleýmettik-ekonomikalyq damýyna úles qosqan turǵyndar jáne merdiger mekeme qyzmetkerleri oblys ákiminiń Alǵys hatymen marapattaldy. Parlament Májilisiniń depýtattary Murat Abdýlamituly, Marhabat Jaiymbetuly, Murat Nálqojauly quttyqtaý sóz sóiledi. Qyzylorda qalasynyń qurmetti azamaty Sailaýbai Ábishev batasyn berdi.
Aita keteiik, Qyzylorda qalasynda 80-ge jýyq saiajai bar, onyń 10-ǵa jýyǵynda halyq tyǵyz qonystanǵan. Osyǵan bailanysty bas josparǵa ózgerister engizilip, birqatar saiajaiǵa «Turǵyn úi aýmaǵy» mártebesi berildi.
Sabalaq saiajaiy qala shekarasyna engizilip, infraqurylym jetkizýge múmkindik jasaldy. Sońǵy tórt jylda bul aýmaqqa 6 mlrd teńgeden astam qarjy bólinip, 22 shaqyrym aýyz sý magistrali tartyldy. Sý munarasy ornatylyp, elektr jelisi júrgizildi, 20-ǵa jýyq kóshege ortasha jóndeý jasaldy.
Sonymen qatar, memleket jáne qoǵam qairatkeri Murat Baqtiiaruly biznestiń áleýmettik jaýapkershiligi aiasynda «Orda skýl-2» jeke mektebin memleket menshigine berdi.
Sabalaqqa 3,2 mlrd teńgege gaz tartylyp, 1 694 úige kógildir otyn qosylady. Aldaǵy ýaqytta basqa da saiajailarǵa kezeń-kezeńimen infraqurylym júrgiziledi.
