Qyzylorda oblysynyń ákimi Nurlybek Nálibaev oblys prokýrory R. Ojarovpen birge qylmystyq atqarý júiesi departamenti №60 mekemesiniń jumysymen tanysty,- dep habarlaidy Dalanews.kz
Bul jerdegi 901 sottalýshynyń 821-i jumysqa jaramdy.
Mekemeniń óndiristik aimaǵynda 17 jaýapkershiligi shekteýli seriktestiktiń, jeke kásipkerlerdiń qoldaýymen 300-ge jýyq sottalýshy eńbekpen qamtylǵan. Negizgi jumys baǵyttary - temir buiymdaryn óndirý, aǵash ónimderin (astaý, tabaq, dombyra, sandyq, esik) daiyndaý, gazoblok, peskoblok, brýschatka, kúidirilgen kirpish shyǵarý.
«Eńbek» RMK qarjysyna «Konstrýktiv LTD» JShS ǵimarat qurylysyn bastady.
Arnaiy kontingentti eńbekpen qamtý, jańa jumys oryndaryn ashý maqsatynda №60 mekeme aýmaǵyndaǵy bos jer ýchaskesine tez turǵyzylatyn modýldik ónerkásiptik angar salý máselesi kóterildi.
«Alen» JK-ne Qyzylorda oblysy prokýratýrasy, QAJ departamentiniń qoldaýymen, «Baiqońyr» áleýmettik- kásipkerlik korporatsiiasy jáne respýblikalyq innovatsiialyq ortalyqtyń baǵdarlamasy aiasynda qaitarymdy nesie rásimdeldi. Bul qarajatqa brýschatka óndiretin qondyrǵy ornatylyp, 15 sottalýshy jumyspen qamtyldy.
«Dalatex» JShS-ne mekemeniń óndiristik aimaǵynan úi-jai berilip, 20 tigin mashinasy ornatyldy. Onda 20 sottalýshy turaqty jumysqa tartyldy.
Sonymen qatar, oblys ákimi sottalýshy azamattardyń qoldan jasaǵan aǵash ónimderiniń kórmesimen tanysty. Bul jerde túiequs, kúrketaýyq jáne basqa da qustardy ósirip,baptaý qolǵa alynǵan.
