Qyzylorda oblysynyń ákimi Nurlybek Nálibaev bastaǵan Syr óńiriniń delegatsiiasy Qytaiǵa jumys saparymen bardy,- dep habarlaidy Dalanews.kz
Delegatsiia quramynda aýyl sharýashylyǵy qurylymdarynyń, qurylys jáne munai kompaniialarynyń basshylary, kásipkerler bar. Sapardyń negizgi maqsaty – aimaqtyń agroónerkásip, qurylys, qyzmet kórsetý salalaryna investitsiia tartý.
Jumys sapary aiasynda aimaq basshysy Sian qalasyndaǵy munai-gaz, himiia ónerkásibi salasyndaǵy kompaniia jetekshilerimen kezdesti. Aldymen «Yan’an Energy Equipment Group» kompaniiasy basshysymen júzdesip, óńdeý ónerkásibi salasynda birlesip jumys jasaýǵa daiyn ekenin aitty.
«Birinshi kezekte Qyzylorda oblysy men Qytai arasyndaǵy yntymaqtastyqty nyǵaitý maqsatyndaǵy búgingi kezdesýge qyzyǵýshylyq tanytqanyńyz úshin alǵys bildiremin. Biz Qytaidyń ozyq tehnologiialaryn oblys ónerkásibine engizý úshin arnaiy delegatsiia jasaqtap keldik.
Munai-gaz – ónerkásiptiń mańyzdy salalarynyń biri jáne oblys ekonomikasynyń negizi. Onyń úlesi óńirdiń ónerkásiptik óndirisiniń 48,7%-dan astamyn quraidy, 10 myńǵa jýyq adamdy jumyspen qamtidy. Oblys aýmaǵynda munai óndirýmen jáne barlaýmen 49 kenishte 25 kompaniia ainalysady.
Alaida, munai uńǵymalarynyń kópshiliginiń sarqylýyna bailanysty qordy tolyqtyrý maqsatynda geologiialyq zertteý jumystary júrgizilýde. Odan bólek, «QazMunaiGaz» ulttyq kompaniiasy «Torǵai-paleozoi» ken ornynda tereńdigi 5,5 myń metr uńǵymany burǵylaýda. Qazirgi tańda burǵylaý jumystary shamamen 5,4 myń tereńdikke jetti.
Osy rette, qurmetti myrzalar, kompaniianyń zamanaýi tehnologiiasy men tájiribesin eskerip, Qyzylorda oblysynda birlesip jumys jasaýǵa shaqyramyz.
Oblys ákimdigi óz tarapynan zaýyttardy ornalastyrý úshin jer, injenerlik infraqurylym, jan-jaqty logistikalyq qoldaý bildirýge daiyn», – dedi Nurlybek Mashbekuly.
Munan bólek, aimaq basshysy «Xian ANCN Smart Instrument Inc» munai-gaz kompaniiasynyń basshysymen kezdesti.
«Xian ANCN Smart Instrument Inc» kompaniiasy 2007 jyly qurylǵan. Negizgi qyzmeti – gaz ken ornynyń avtonomdy basqarý júielerin, jarylysqa qaýipsiz tekserý robottaryn, smart ólsheý quraldaryn jáne basqa da munai-gaz jabdyqtaryn óndirý. Kompaniiada 320 qyzmetker, 100 ǵylymi-zertteý tobynyń múshesi, 340 ǵylymi zertteý patenti bar.
Sonymen qatar, oblys ákiminiń orynbasary Ardaq Zebeshev, jaýapty sala basshylary, kásipkerler Sinian qalasynda investitsiialyq turǵydan áleýetti biznes ókilderimen kezdesti.
Aimaq basshysy bastaǵan oblys delegatsiiasynyń jumys saparyn QR Syrtqy ister ministrligi men Qazaqstan Respýblikasynyń Qytai Halyq Respýblikasyndaǵy Elshiligi uiymdastyrǵan. Kelissózder basqa qalalarda da jalǵasady.
