قىزىلوردا وبلىسىنىڭ اكىمى نۇرلىبەك نالىبايەۆ باستاعان سىر ءوڭىرىنىڭ دەلەگاسياسى قىتايعا جۇمىس ساپارىمەن باردى،- دەپ حابارلايدى Dalanews.kz
دەلەگاسيا قۇرامىندا اۋىل شارۋاشىلىعى قۇرىلىمدارىنىڭ، قۇرىلىس جانە مۇناي كومپانيالارىنىڭ باسشىلارى، كاسىپكەرلەر بار. ساپاردىڭ نەگىزگى ماقساتى – ايماقتىڭ اگروونەركاسىپ، قۇرىلىس، قىزمەت كورسەتۋ سالالارىنا ينۆەستيسيا تارتۋ.
جۇمىس ساپارى اياسىندا ايماق باسشىسى سيان قالاسىنداعى مۇناي-گاز، حيميا ونەركاسىبى سالاسىنداعى كومپانيا جەتەكشىلەرىمەن كەزدەستى. الدىمەن «Yan’an Energy Equipment Group» كومپانياسى باسشىسىمەن جۇزدەسىپ، وڭدەۋ ونەركاسىبى سالاسىندا بىرلەسىپ جۇمىس جاساۋعا دايىن ەكەنىن ايتتى.
«ءبىرىنشى كەزەكتە قىزىلوردا وبلىسى مەن جۇڭگو اراسىنداعى ىنتىماقتاستىقتى نىعايتۋ ماقساتىنداعى بۇگىنگى كەزدەسۋگە قىزىعۋشىلىق تانىتقانىڭىز ءۇشىن العىس بىلدىرەمىن. ءبىز قىتايدىڭ وزىق تەحنولوگيالارىن وبلىس ونەركاسىبىنە ەنگىزۋ ءۇشىن ارنايى دەلەگاسيا جاساقتاپ كەلدىك.
مۇناي-گاز – ونەركاسىپتىڭ ماڭىزدى سالالارىنىڭ ءبىرى جانە وبلىس ەكونوميكاسىنىڭ نەگىزى. ونىڭ ۇلەسى ءوڭىردىڭ ونەركاسىپتىك ءوندىرىسىنىڭ 48،7%-دان استامىن قۇرايدى، 10 مىڭعا جۋىق ادامدى جۇمىسپەن قامتيدى. وبلىس اۋماعىندا مۇناي وندىرۋمەن جانە بارلاۋمەن 49 كەنىشتە 25 كومپانيا اينالىسادى.
الايدا، مۇناي ۇڭعىمالارىنىڭ كوپشىلىگىنىڭ سارقىلۋىنا بايلانىستى قوردى تولىقتىرۋ ماقساتىندا گەولوگيالىق زەرتتەۋ جۇمىستارى جۇرگىزىلۋدە. ودان بولەك، «قازمۇنايگاز» ۇلتتىق كومپانياسى «تورعاي-پالەوزوي» كەن ورنىندا تەرەڭدىگى 5،5 مىڭ مەتر ۇڭعىمانى بۇرعىلاۋدا. قازىرگى تاڭدا بۇرعىلاۋ جۇمىستارى شامامەن 5،4 مىڭ تەرەڭدىككە جەتتى.
وسى رەتتە، قۇرمەتتى مىرزالار، كومپانيانىڭ زاماناۋي تەحنولوگياسى مەن تاجىريبەسىن ەسكەرىپ، قىزىلوردا وبلىسىندا بىرلەسىپ جۇمىس جاساۋعا شاقىرامىز.
وبلىس اكىمدىگى ءوز تاراپىنان زاۋىتتاردى ورنالاستىرۋ ءۇشىن جەر، ينجەنەرلىك ينفراقۇرىلىم، جان-جاقتى لوگيستيكالىق قولداۋ بىلدىرۋگە دايىن»، – دەدى نۇرلىبەك ماشبەك ۇلى.
مۇنان بولەك، ايماق باسشىسى «Xian ANCN Smart Instrument Inc» مۇناي-گاز كومپانياسىنىڭ باسشىسىمەن كەزدەستى.
«Xian ANCN Smart Instrument Inc» كومپانياسى 2007 جىلى قۇرىلعان. نەگىزگى قىزمەتى – گاز كەن ورنىنىڭ اۆتونومدى باسقارۋ جۇيەلەرىن، جارىلىسقا ءقاۋىپسىز تەكسەرۋ روبوتتارىن، سمارت ولشەۋ قۇرالدارىن جانە باسقا دا مۇناي-گاز جابدىقتارىن ءوندىرۋ. كومپانيادا 320 قىزمەتكەر، 100 عىلىمي-زەرتتەۋ توبىنىڭ مۇشەسى، 340 عىلىمي زەرتتەۋ پاتەنتى بار.
سونىمەن قاتار، وبلىس اكىمىنىڭ ورىنباسارى ارداق زەبەشيەۆ، جاۋاپتى سالا باسشىلارى، كاسىپكەرلەر سينيان قالاسىندا ينۆەستيسيالىق تۇرعىدان الەۋەتتى بيزنەس وكىلدەرىمەن كەزدەستى.
ايماق باسشىسى باستاعان وبلىس دەلەگاسياسىنىڭ جۇمىس ساپارىن ق ر سىرتقى ىستەر مينيسترلىگى مەن قازاقستان رەسپۋبليكاسىنىڭ جۇڭگو حالىق رەسپۋبليكاسىنداعى ەلشىلىگى ۇيىمداستىرعان. كەلىسسوزدەر باسقا قالالاردا دا جالعاسادى.
