Qyzylorda oblysynyń ákimdigi jeke basqarýǵa ótken "Qaisar" fýtbol klýbyn qarjylandyrýdy jalǵastyrady, dep habarlaidy Dalanews.kz.
Bed.media aqparat agenttiginiń málimetinshe, óńir biligi klýbtyń qyzmetin qamtamasyz etý úshin biýdjetten shamamen 858 mln teńge bólýdi josparlap otyr. Bul boiynsha tiisti tenderdi oblystyq dene shynyqtyrý, sport jáne týrizm basqarmasy jariialaǵan, ótinimder 19 aqpanǵa deiin qabyldanady. Bólinetin qarjy klýbtyń tolyqqandy jumysyn qamtamasyz etýge baǵyttalady.
Atap aitqanda, komandalardyń oqý-jattyǵý jiyndaryn ótkizý, Qazaqstan Premer-ligasy, Ekinshi liga birinshiligi jáne Qazaqstan kýbogyna qatysý, sporttyq forma, tamaqtaný, meditsinalyq qyzmet jáne saqtandyrý, oiynshylar men qyzmetkerlerdiń jalaqysy, syiaqylary men issapar shyǵyndary, ákimshilik shyǵyndar, kommýnaldyq qyzmetter, janar-jaǵarmai jáne keńse shyǵyndary qarastyrylǵan.
Sondai-aq komanda men jattyqtyrýshylar shtabyna kólikpen qamtamasyz etý jáne Qazaqstan fýtbol federatsiiasynyń talaptaryn oryndaý da osy qarajat esebinen júzege asyrylady.
Eske sala keteiik, 2025 jyldyń qazan aiynyń sońynda "Qaisar" klýby jeke basqarýǵa ótken edi. Klýbtyń jańa jetekshisi – qyzylordalyq kásipker Islamǵali Qozbaqov. Ol klýb akademiiasy men infraqurylymyn damytýǵa shamamen 12 mlrd teńge investitsiia salýdy josparlap otyrǵanyn málimdegen.
