Búgin Qyzylorda oblysynyń ákimi Nurlybek Nálibaev Shieli aýdanyna jumys saparymen baryp, biylǵy alǵashqy dán sebý is-sharasyna qatysty,- dep habarlaidy Dalanews.kz
Bul sharaǵa oblystyq máslihat tóraǵasy Murat Tileýimbetov, Qazaqstannyń Eńbek Erleri Abzal Eraliev, Imamzada Shaǵyrtaev, aýdan ákimderi, ziialy qaýym ókilderi keldi.
Aimaq basshysy aýyl sharýashylyǵy salasynyń ardagerlerimen birge qamba astyqqa tolyp, sharýa eńbegi tabysty bolýyna tilektestik bildirdi.
Ári qarai shara qonaqtary aýyl sharýashylyǵy tehnikalary, tyńaitqysh, gerbitsidter jáne tuqym kórmesimen tanysty.
Egis alqabynda ótken jiyn «Dala kúni» seminar-keńesimen jalǵasty. Seminarda memlekettik mekemeler men sharýashylyq basshylary saladaǵy ózekti máselelerdi baiandady.
Ótken jyly elimizde diqandarǵa kóktemgi egin, kúzgi jiyn-terin jumystaryna 5 paiyzben beriletin jeńildetilgen nesie kólemi alǵash ret 500 mlrd. teńgeden assa, biyl bul qarajat 700 mlrd teńge boldy. Diqan qaýymǵa «Keń dala-2» baǵdarlamasy arqyly qoldaý kórsetilýde. Nesieniń 85 paiyzyn «Damý» kásipkerlikti qoldaý qory, tek 15 paiyzyn ǵana sharýashylyqtar kepildendiredi.
Aldyńǵy jyldary kóktemgi jáne kúzgi dala jumystaryn qarjylandyrýǵa «Agrarlyq nesie korporatsiiasy» nebári 2-3 mlrd. teńge bólip kelse, biyl qarjy kólemi toǵyz ese artyp, 18 mlrd. 500 mln. teńgege jetti. Odan bólek, aýyl sharýashylyǵy salasyn ártaraptandyrýdaǵy iri investitsiialyq jobalardy qarjylandyrý úshin Soltústik Qazaqstan oblysy tájiribesi negizinde jeńildetilgen nesielendirý baǵdarlamasy júzege asyrylýda.
Biyl oblysta sý únemdeý tehnologiialaryn paidalaný kólemin 9 200 gektarǵa jetkizý, ótken jylmen salystyrǵanda 2 ese arttyrý mejelengen. Bul baǵytta da memlekettik qoldaý sharalary qarastyrylǵan. Jabdyqtardy satyp alýǵa jáne qurýǵa ketken shyǵyndardyń 80 paiyzyna deiin memleket tarapynan sýbsidiialanady. Sońǵy jyldary 55 myń gektar kúrish alqaby lazerlik tegisteýden ótkizildi. Biyl 60 myń gektarǵa deiin jetkiziledi.
Óńirde 193 700 gektarǵa aýyl sharýashylyǵy daqyldaryn egý josparlanǵan, onyń 85,9 myń gektaryna kúrish sebilmek. Al maily jáne malazyqtyq daqyldardy ótken jylǵa qaraǵanda 3 400 gektarǵa arttyrý kózdelýde.
Aita keteiik, byltyr 189,4 myń gektarǵa aýyl sharýashylyǵy daqyldary, 85,6 myń gektarǵa kúrish egilgen.
