Oblystyq prokýratýra alaiaqtyq qylmystarynyń aldyn alý úshin "IT TERGEU" jobasyn ázirledi. Olardyń málimetinshe, bul joba jasandy intellekttiń múmkindikterin sot-tergeý tájiribesinde tiimdi qoldanýǵa baǵyttalǵan, dep habarlaidy Dalanews.kz.
Jobaǵa oblystyq biýdjetten 85 mln teńge bólingen.
"Baǵdarlama kómegimen 749 qylmystyq is boiynsha 1074 uialy telefon nómiri tekserildi. Nátijesinde 151 qylmys deregi ashylyp, 62 kúdikti ustaldy, sondai-aq 2 kiberqylmystyq top, 52 dropper men habar-osharsyz ketken 91 adam tabyldy", — deidi vedomstvo.
Qazirgi ýaqytta internet alaiaqtyq boiynsha 264 qylmystyq istiń 78-i sotqa joldanyp, kórsetkish 29%-ke artty.
"Bankter men mikroqarjy uiymdaryna qatysty 52 istiń kúmándi esepshot tranzaktsiialaryn toqtatý úshin anti-frod ortalyǵyna suranys joldandy", — deidi prokýratýra.
Eske salaiyq, buǵan deiin Qazaqstanda ákimderge óńirlerdegi áleýmettik máselelerdi sheshýge kómek kórsetý úshin jasandy intellekt (JI) tehnologiiasyn engizý josparlanyp jatqany týraly jazǵan edik.
Informburo.kz málimetinshe, bul bastama “Otbasynyń tsifrlyq kartasy” jobasy aiasynda júzege asyrylmaq.
Eńbek jáne halyqty áleýmettik qorǵaý ministri Svetlana Jaqypovanyń aitýynsha, bul baǵdarlamaǵa qazirdiń ózinde 6 millionnan astam otbasynyń derekteri engizilgen.
“Azamattardyń ótinishteri men aqparattary aýqymdy derekter bazasyna biriktiriledi. Osy derekter negizinde jasandy intellekt óńirlerdegi áleýmettik máseleler boiynsha taldaý jasap, sheshý joldaryn usyna alady”, – delingen habarlamada.
Óz kezeginde premer-ministr Oljas Bektenov ákimderge JI qoldaný jóninde usynystar berdi.
“Ózekti aqparattardy apta saiyn avtomatty túrde jiberip otyrý qajet. Ár ákim jumys ornynda otyryp, óz óńirindegi máselelerdi kórip, taldai alýy tiis. Bul JI-diń naqty paidasy – qolmen jasalǵan taldaý kóp ýaqyt pen resýrs talap etedi, al JI ony jyldam oryndaidy. Ony “intellekt” dep ataidy, bul da “adam” sekildi, tek jyldam jumys isteidi”, – dep atap ótti Bektenov.
Aita keteiik, biyl aqpan aiynyń basynda Úkimettiń keńeitilgen otyrysynda Prezident Qasym-Jomart Toqaev Qazaqstanda JI damytý tujyrymdamasyn júzege asyrýdy tapsyrǵan bolatyn.
Shilde aiynda Qazaqstan úkimeti jasandy intellekt tehnologiiasyn ekonomikanyń túrli salalaryna engizý jóninde strategiialyq qujat qabyldady. Sarapshylardyń aitýynsha, JI qoldaný 2030 jylǵa qarai jahandyq JIÓ-di 14%-ǵa arttyrýǵa múmkindik beredi.
Sonymen qatar úkimet JI-di engizýdiń basym sektorlaryn anyqtady. Olar:
• Memlekettik basqarý;
• Munai-gaz, taý-ken, energetika, kólik jáne logistika salalaryndaǵy tabiǵi monopoliia sýbektileri;
• Sý resýrstaryn basqarý jáne aýyl sharýashylyǵy.
