Qyzylorda oblysy, Shieli aýdany, Bala bi aýylynda otbasylyq janjaldyń sońy aýyr qylmyspen aiaqtaldy. Áieline baltamen shabýyl jasaǵan er adamǵa sot úkimi shyqty, - dep habarlaidy Dalanews.kz
42 jastaǵy áielge qastandyq jasaǵan azamat — biologiia pániniń muǵalimi. Ol uiyqtap jatqan áieline birneshe ret baltanyń sabymen jáne júzimen soqqy jasaǵan. Sotta onyń qylmysy tolyq dáleldendi.
Qylmystyq ister jónindegi mamandandyrylǵan aýdanaralyq sottyń málimetinshe, kúdikti Qylmystyq kodekstiń 99-baby 3 jáne 5-tarmaqtary (asa qatygezdikpen adam óltirýge oqtalý) boiynsha kináli dep tanylyp, 15 jylǵa bas bostandyǵynan aiyryldy. Ol jazasyn qaýipsizdigi joǵary qylmystyq-atqarý júiesinde óteidi.
Oqiǵa osydan úsh ai buryn tirkelgen.
"Er adam uiyqtap jatqan áieline shabýyl jasaǵan. Balalardyń oianyp ketkenin kórgen soń, qylmysyn sońyna deiin jetkizbei úiden shyǵyp ketken. Áielin es-tússiz kúide kishkentai qyzy taýyp alyp, jedel járdem shaqyrǵan", - dedi Qyzylorda oblysynyń qylmystyq ister jónindegi mamandandyrylǵan aýdanaralyq sotynda.
Dárigerlerdiń kómegimen jábirlenýshi aman qaldy, biraq ómir boiyna múgedek bolyp qalǵan.
Jábirlenýshi sot úkimimen kelisken. Al sottalýshynyń týystary mundai úkimge qarsy. Olar er adamǵa taǵaiyndalǵan jazany tym qatal dep sanaidy.
Erli-zaiyptylar 11 jyl otasyp, bes bala tárbielegen. Prokýrordyń aitýynsha, aýyr qylmysqa otbasyndaǵy kikiljiń sebep bolǵan.
Qazirgi tańda balalar anasynyń qamqorlyǵynda. Tiisti organdar tarapynan otbasyǵa psihologiialyq jáne áleýmettik kómek kórsetilip jatyr.
