QR Premer-ministriniń birinshi orynbasary Roman Skliar Qyzylorda qalasynyń «Óndiris» indýstriialyq aimaǵynda qarqyndy salynyp jatqan zamanaýi kirpish zaýytynyń jumys barysymen tanysty, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
Qyzylorda oblysy ákimi Nurlybek Nálibaev qurylysyn «Qyzylorda Saz M» JShS júrgizip jatqan kirpish zaýytyn ornalastyrýǵa óńirlik úilestirý keńesiniń sheshimimen 7 gektar jer telimi berilgenin aitty.
Óndiris oryny iske qosylǵan soń munda jylyna 90 mln dana kirpish shyǵarylady.
Zaýyttyń irgetasy tolyq quiylyp, metall konstrýktsiialarynyń 60%-y ornatylǵan. Qurylys alańynda 50 jumysshy, 11 tehnika eńbek etýde. Qajetti qondyrǵylar Qytaidan jetkizilgen.
Ainalmaly peshti, shikizat daiyndaityn qondyrǵyny, ekstrýderdi, kirpish kesip ony jinaityn qurylǵylardy montajdaý jumystary atqarylýda.
Sonymen qatar, ákimshilik-turmystyq ǵimarat ta salynady. Bul kirpish zaýytynyń artyqshylyǵy – óndiris tolyǵymen avtomattandyrylǵan.
