قر پرەمەر-مينيسترٸنٸڭ بٸرٸنشٸ ورىنباسارى رومان سكليار قىزىلوردا قالاسىنىڭ «ٶندٸرٸس» يندۋسترييالىق ايماعىندا قارقىندى سالىنىپ جاتقان زاماناۋي كٸرپٸش زاۋىتىنىڭ جۇمىس بارىسىمەن تانىستى, – دەپ حابارلايدى Dalanews.kz الماتى قالاسى ەكٸمٸنٸڭ باسپاسٶز قىزمەتٸنە سٸلتەمە جاساپ.
قىزىلوردا وبلىسى ەكٸمٸ نۇرلىبەك نەلٸباەۆ قۇرىلىسىن «قىزىلوردا ساز م» جشس جٷرگٸزٸپ جاتقان كٸرپٸش زاۋىتىن ورنالاستىرۋعا ٶڭٸرلٸك ٷيلەستٸرۋ كەڭەسٸنٸڭ شەشٸمٸمەن 7 گەكتار جەر تەلٸمٸ بەرٸلگەنٸن ايتتى.
ٶندٸرٸس ورىنى ٸسكە قوسىلعان سوڭ مۇندا جىلىنا 90 ملن دانا كٸرپٸش شىعارىلادى.
زاۋىتتىڭ ٸرگەتاسى تولىق قۇيىلىپ, مەتالل كونسترۋكتسييالارىنىڭ 60%-ى ورناتىلعان. قۇرىلىس الاڭىندا 50 جۇمىسشى, 11 تەحنيكا ەڭبەك ەتۋدە. قاجەتتٸ قوندىرعىلار قىتايدان جەتكٸزٸلگەن.
اينالمالى پەشتٸ, شيكٸزات دايىندايتىن قوندىرعىنى, ەكسترۋدەردٸ, كٸرپٸش كەسٸپ ونى جينايتىن قۇرىلعىلاردى مونتاجداۋ جۇمىستارى اتقارىلۋدا.
سونىمەن قاتار, ەكٸمشٸلٸك-تۇرمىستىق عيمارات تا سالىنادى. بۇل كٸرپٸش زاۋىتىنىڭ ارتىقشىلىعى – ٶندٸرٸس تولىعىمەن اۆتوماتتاندىرىلعان.
