Qyzylorda oblysy Jalaǵash aýdanynda oblys ákimi Nurlybek Nálibaevtyń qatysýymen áleýmettik osal toptaǵy otbasylar úshin satyp alynǵan 111 páterlik 56 turǵyn úidiń kiltin ielerine tabystaý rásimi ótti,– dep habarlaidy Dalanews.kz
Saltanatty rásimge jaýapty sala basshylary, ziialy qaýym ókilderi men aýdan turǵyndary qatysty.
Aimaq basshysy jańa páter ielerin qonystoimen quttyqtap, óńirdiń áleýmettik-ekonomikalyq damýyndaǵy, qurylys, infraqurylym salalaryndaǵy jetistikterge toqtaldy.
«Prezidentimiz Qasym-Jomart Kemeluly halyqty turǵyn úimen qamtamasyz etý memlekettiń áleýmettik saiasatynyń basym baǵyty ekenin atap ótti. Jerlesterimizdiń aýyzbirshiligi, yntymaq-birliginiń arqasynda óńirimiz órkendeý jolyna tústi. Memleket basshysynyń, Úkimettiń qoldaýymen aimaǵymyz qarqyndy qurylys alańyna ainaldy. Oblys boiynsha 187 nysannyń qurylysy salynyp jatyr. Bul – óńirde qolǵa alynǵan jumystarymyzdyń bir bóligi ǵana. Jalaǵash aýdanynda da aýqymdy ister atqarylyp jatyr. Sońǵy 3 jylda Jalaǵash aýdanyna 50 mlrd. teńgeden astam investitsiia tartyldy. Búgin mine, 111 páterlik 56 turǵyn úidiń qurylysy aiaqtalyp, jańa qonysty ielerine saltanatty túrde tabystaýdamyz.Eldik múddege qyzmet etip, jańa baspanalardy ýaqytyly ári sapaly aiaqtaǵan qurylys mekemelerine shynaiy alǵysymyzdy bildiremiz. Qonystoi qutty bolsyn!», – dedi Nurlybek Nálibaev.
Is-sharada el birligin bekemdeýge úles qosqan aǵa býyn ardagerler men jańa turǵyn úilerdi sapaly etip salǵan qurylysshylar marapattaldy. Oblystyq ardagerler keńesiniń tóraǵasy Serik Dúisenbaev qonystoi ielerin quttyqtap, batasyn berdi.
Aita keteiik, ótken jyldyń basynda aýdan biýdjeti 10 mlrd. 200 mln. teńgege bekitilip, jyl kóleminde 12 mlrd. 200 mln. teńgege ulǵaidy. Aýdan halqy 100 paiyz taza aýyz sýmen qamtylǵan. "Aqsý", Móráli Shámenov eldi mekenderi gazǵa qosylyp, turǵyndar igiligin kórýde.
Aýdanda 5 joba júzege asyrylyp, 19,3 shaqyrymnan astam kóshe, jol toraptary jóndeýden ótti. Sońǵy 3 jylda 5 eldi mekenniń 66,3 shaqyrym elektr jelileri jańartyldy.
