قىزىلوردا وبلىسى جالاعاش اۋدانىندا وبلىس ەكٸمٸ نۇرلىبەك نەلٸباەۆتىڭ قاتىسۋىمەن ەلەۋمەتتٸك وسال توپتاعى وتباسىلار ٷشٸن ساتىپ الىنعان 111 پەتەرلٸك 56 تۇرعىن ٷيدٸڭ كٸلتٸن يەلەرٸنە تابىستاۋ رەسٸمٸ ٶتتٸ,– دەپ حابارلايدى Dalanews.kz
سالتاناتتى رەسٸمگە جاۋاپتى سالا باسشىلارى, زييالى قاۋىم ٶكٸلدەرٸ مەن اۋدان تۇرعىندارى قاتىستى.
ايماق باسشىسى جاڭا پەتەر يەلەرٸن قونىستويمەن قۇتتىقتاپ, ٶڭٸردٸڭ ەلەۋمەتتٸك-ەكونوميكالىق دامۋىنداعى, قۇرىلىس, ينفراقۇرىلىم سالالارىنداعى جەتٸستٸكتەرگە توقتالدى.
«پرەزيدەنتٸمٸز قاسىم-جومارت كەمەلۇلى حالىقتى تۇرعىن ٷيمەن قامتاماسىز ەتۋ مەملەكەتتٸڭ ەلەۋمەتتٸك ساياساتىنىڭ باسىم باعىتى ەكەنٸن اتاپ ٶتتٸ. جەرلەستەرٸمٸزدٸڭ اۋىزبٸرشٸلٸگٸ, ىنتىماق-بٸرلٸگٸنٸڭ ارقاسىندا ٶڭٸرٸمٸز ٶركەندەۋ جولىنا تٷستٸ. مەملەكەت باسشىسىنىڭ, ٷكٸمەتتٸڭ قولداۋىمەن ايماعىمىز قارقىندى قۇرىلىس الاڭىنا اينالدى. وبلىس بويىنشا 187 نىساننىڭ قۇرىلىسى سالىنىپ جاتىر. بۇل – ٶڭٸردە قولعا الىنعان جۇمىستارىمىزدىڭ بٸر بٶلٸگٸ عانا. جالاعاش اۋدانىندا دا اۋقىمدى ٸستەر اتقارىلىپ جاتىر. سوڭعى 3 جىلدا جالاعاش اۋدانىنا 50 ملرد. تەڭگەدەن استام ينۆەستيتسييا تارتىلدى. بٷگٸن مٸنە, 111 پەتەرلٸك 56 تۇرعىن ٷيدٸڭ قۇرىلىسى اياقتالىپ, جاڭا قونىستى يەلەرٸنە سالتاناتتى تٷردە تابىستاۋدامىز.ەلدٸك مٷددەگە قىزمەت ەتٸپ, جاڭا باسپانالاردى ۋاقىتىلى ەرٸ ساپالى اياقتاعان قۇرىلىس مەكەمەلەرٸنە شىنايى العىسىمىزدى بٸلدٸرەمٸز. قونىستوي قۇتتى بولسىن!», – دەدٸ نۇرلىبەك نەلٸباەۆ.
ٸس-شارادا ەل بٸرلٸگٸن بەكەمدەۋگە ٷلەس قوسقان اعا بۋىن ارداگەرلەر مەن جاڭا تۇرعىن ٷيلەردٸ ساپالى ەتٸپ سالعان قۇرىلىسشىلار ماراپاتتالدى. وبلىستىق ارداگەرلەر كەڭەسٸنٸڭ تٶراعاسى سەرٸك دٷيسەنباەۆ قونىستوي يەلەرٸن قۇتتىقتاپ, باتاسىن بەردٸ.
ايتا كەتەيٸك, ٶتكەن جىلدىڭ باسىندا اۋدان بيۋدجەتٸ 10 ملرد. 200 ملن. تەڭگەگە بەكٸتٸلٸپ, جىل كٶلەمٸندە 12 ملرد. 200 ملن. تەڭگەگە ۇلعايدى. اۋدان حالقى 100 پايىز تازا اۋىز سۋمەن قامتىلعان. "اقسۋ", مٶرەلٸ شەمەنوۆ ەلدٸ مەكەندەرٸ گازعا قوسىلىپ, تۇرعىندار يگٸلٸگٸن كٶرۋدە.
اۋداندا 5 جوبا جٷزەگە اسىرىلىپ, 19,3 شاقىرىمنان استام كٶشە, جول توراپتارى جٶندەۋدەن ٶتتٸ. سوڭعى 3 جىلدا 5 ەلدٸ مەكەننٸڭ 66,3 شاقىرىم ەلەكتر جەلٸلەرٸ جاڭارتىلدى.
