«Aqorda» rezidentsiiasynda elimizge memlekettik saparmen kelgen Vetnam Kommýnistik partiiasy Ortalyq komitetiniń Bas hatshysy To Lamdy resmi qarsy alý rásimi ótti,- dep habarlaidy Dalanews.kz
Qasym-Jomart Toqaev pen To Lam bir-birine delegatsiia múshelerin tanystyrdy. Budan keiin Qurmet qaraýylynyń bastyǵy raport berip, Qazaqstan men Vetnamnyń memlekettik ánurandary shyrqaldy.
Memleket basshysy Vetnam Kommýnistik partiiasy Ortalyq komiteti Bas hatshysynyń Qazaqstanǵa alǵashqy saparyna eki el arasyndaǵy myzǵymas dostyqtyń aiǵaǵy dep baǵa berdi.
To Lam qazaq jerinde kórsetilgen syi-qurmet úshin alǵys aityp, búgingi kelissózderdiń nátijesi Qazaqstan men Vetnam arasyndaǵy qarym-qatynastyń kókjiegin keńeite túsetinine senim bildirdi.
Jumys sapary aiasynda Qyzylorda oblysynyń ákimdigi men Hyng Ien provintsiiasynyń Halyq Komiteti arasynda baýyrlastyq qarym-qatynas ornatý týraly memorandýmǵa qol qoiyldy.
Memorandýmda teńdik jáne ózara tiimdilik negizinde saýdany ilgeriletý, investitsiia tartý jáne birlesken kásiporyndar qurý kórsetilgen. Sonymen qatar, aýyl sharýashylyǵy, ónerkásip, kásipkerlik jáne tsifralandyrý salalarynda áriptestik ornatyp, birlesken jobalardy júzege asyrý josparlanýda.
Taraptar joǵarý oqý oryndary, zertteý institýttary jáne bilim berý uiymdary arasynda ǵylymi-tájiribelik kooperatsiiany damytýǵa múddeli.
Birlesken mádeni is-sharalar ótkizý, týrizm, qorshaǵan ortany qorǵaý jáne basqa da salalar boiynsha tájiribe almasý da qarastyrylǵan.
Qyzylorda oblysy ákimdigi men Hyng Ien provintsiiasynyń halyq komiteti arasynda baýyrlastyq qarym-qatynas ornatý týraly memorandýmǵa Qyzylorda oblysynyń ákimi Nurlybek Nálibaev pen Hyng Ien provintsiiasy Halyq Komitetiniń tóraǵasy Chan Kýok Van qol qoidy.
