Qytaida 130 myńǵa jýyq adamdy aldap, aýqymdy qarjy piramidasyn uiymdastyrǵan áiel Ulybritaniiada 11 jyldan astam merzimge bas bostandyǵynan aiyrý jazasyna kesildi, dep habarlaidy Dalanews.kz. Sky News-ke silteme jasap.
Tsian Chjimin, Iadi Chjan degen atpen de belgili, kriptovaliýta alaiaqtyǵynan túsken tabysty zańdastyrdy degen aiyppen tanylǵan. Tergeý barysynda britandyq politsiia 61 000-nan astam bitkoin tárkilegen — búgingi kúngi quny 6 milliard dollardan asady. Bul — tarihtaǵy eń iri kriptovaliýta tárkileýleriniń biri.
Sot zalynda Tsian sýdia Salli-Enn Heilz ony 11 jyl 8 aiǵa bas bostandyǵynan aiyrǵany týraly estigen kezde jylap jiberdi.
«Siz bul qylmystyń basynan aiaǵyna deiingi uiymdastyrýshysy boldyńyz… Sizdiń maqsatyńyz – taza ashkózdik boldy», – dedi sýdia.
Prokýrorlardyń aitýynsha, Tsian men onyń sybailastary alaiaqtyq arqyly túsken tabystan 95 million iýannan (13,34 million AQSh dollarynan) astam qarajatty zergerlik buiymdarǵa jumsaǵan.
