Almaty qalasy Týrizm basqarmasy men «Shymbulaq» taý-shańǵy kýrortynyń ókilderi Qytai Halyq Respýblikasynyń Tsinhai provintsiiasynan kelgen delegatsiiamen kezdesip, týristik jáne taý infraqurylymyn damytý máselelerin talqylady. Bul sapar týristik jáne taýly infraqurylymdy damytý salasynda áriptestik bailanys ornatý men tájiribe almasýǵa baǵyttalǵan mańyzdy qadam boldy,- dep habarlaidy Dalanews.kz
QHR-dyń soltústik-batysynda ornalasqan Tsinhai provintsiiasy kórkem tabiǵatymen, biik taýly aimaqtarymen jáne bai mádeni murasymen erekshelenetin týristik áleýeti zor óńir. Qytai tarapy Qazaqstannyń, atap aitqanda, taý shańǵy kýrorttaryn qurý men jańǵyrtý baǵytyndaǵy tájiribesin zertteýge qyzyǵýshylyq bildirdi.
Tsinhai delegatsiiasyna Almatynyń negizgi týristik infraqurylym nysandary – «Shymbulaq», jyl boiy jumys isteitin «OI-Qaragai» kýrorty, sondai-aq «Medeý» sport kesheni tanystyryldy.
Qalalyq týrizm basqarmasynyń basshysy Ǵaliia Toqseiitova Almatynyń eldegi eń iri týristik ortalyq retinde jyl on eki boiy taý týrizmine mol múmkindik usynatynyn atap ótti.
Qytai delegatsiiasy qazaqstandyq tarapty 27 tamyzda Almatyda ótetin ekonomikalyq jáne týristik yntymaqtastyq forýmyna qatysýǵa shaqyrdy. Bul eki óńir arasyndaǵy týrizm salasynda ózara seriktestik ornatýǵa, sondai-aq ekotýrizm, belsendi demalys pen qysqy sport túrleri boiynsha tájiribe almasýǵa baǵyttalǵan mańyzdy qadam boldy.
