Qytaida 1500 jyldyq tarihy bar ǵibadathana órtendi, dep habarlaidy Dalanews.kz.
Qytaidyń Tsziansý provintsiiasyndaǵy Chjantsziagan qalasynda ornalasqan ejelgi Iýntsin ǵibadathanasynda 12 qarasha kúni iri órt boldy.
Býddistik arhitektýranyń qundy nysanynda bastalǵan órt jergilikti halyqty qatty dúrliktirdi. Kýágerler túsirgen kadrlarda ǵibadathananyń ústin qoiý qara tútin tumshalap, jalynnyń kópqabatty pavilonǵa jaiylǵany anyq baiqalady.
Jergilikti biliktiń habarlaýynsha, órt ýaqytynda aýyzdyqtalyp, zardap shekkender joq. Aldyn ala málimetter ǵibadathana aýmaǵyndaǵy kóne stilde turǵyzylǵan qosymsha ǵimarattan órt tutanǵanyn kórsetedi.
