Qytai Syrtqy ister ministri Van I Miýnhen qaýipsizdik konferentsiiasynyń ashylýynda sóz sóilep, Resei men Ýkraina arasyndaǵy kelissózderge qatysty pikir bildirdi, dep jazady Dalanews.kz.
Bul rette Kazinform BILD-ke silteme jasai otyryp, Qytai Syrtqy ister ministri Van Idiń sózin bylai keltiredi:
- Qytai úshin eýropalyqtar qarsylas emes, seriktes. Bul bizdiń kóppoliarly álemimizdegi óte mańyzdy poliýs.
Sonymen qatar Van I Amerika Qurama Shtattarynyń biligine Qytaidy tejeýge tyrysýdyń qajeti joqtyǵyn aitty. QHR ókiliniń aitýynsha, bul Beijiń tarapynan sheshýshi áreketke barýǵa túrtki bolady.
Van I Resei men Ýkraina arasyndaǵy bitimge kelý múmkindigi bar kelissózderge qatysty da pikir bildirdi.
"Beijiń Ýkraina qaqtyǵysyn sheshýge qatysty barlyq amaldardy, sonyń ishinde sońǵy kúnderi AQSh-tyń Resei Federatsiiasymen túsinistikke qol jetkizgenin quptaidy. Barlyq tarap Ýkraina boiynsha beibit kelissózderge tiisti ýaqytta qatysýy kerek", - dedi diplomat.
Ol Qytaidyń reseilik gazdy alýdan bas tartýǵa daiyn emestigin, óitkeni basqa elder Qytaiǵa qajetti kóp resýrsty jetkize almaitynyn atap ótti.
