Qytaidan Qazaqstanǵa óte almai jatqan júk kólikteriniń júrgizýshileri eldegi keden qyzmetiniń tiisti jumys istemei jatqanyn aityp, Dalanews.kz redaktsiiasyna shaǵymdaryn jetkizdi.
Júrgizýshilerdiń sózinshe, qazirgi kezde shekaradan kúnine tek 150–170 kólik ótkiziledi. Al Qytai tarapynan myńdaǵan júk kóligin ótkizýge daiyn ekeni habarlanǵan.
“Biz jolda uzaq ýaqyt kútip qaldyq, keibir júrgizýshiler tipti uiyqtap qalyp jatyr”,- deidi júk kóliginiń júrgizýshisi.
Qazirgi tańda júrgizýshiler joldaǵy kedergilerdi eseptep, ár kóliktiń ótýin qadaǵalap otyr. Olar atalǵan máseleni sheshý úshin Keden komitetinen kómek surady.
Eske salaiyq, buǵan deiin memleket basshysy Qasym-Jomart Toqaev shekaradaǵy júk kólikteriniń uzyn sonar kezegin joiý qajet ekenin jetkizgen edi.
“Azamattardyń erkin qozǵalýyna múmkindik bermeitin qoldan jasalǵan shekteýlerdi alyp tastap, shekaradaǵy júk kólikteriniń uzyn sonar kezegin joiý qajet. Kedendik retteý jáne (kólik, sanitarlyq, veterinarlyq, fitosanitarlyq) memlekettik qadaǵalaý sharalary uiym ishindegi keibir sheshimderdi ótkizý quraly retinde qoldanylmaýǵa tiis. EAEO qurylǵaly beri kedergisiz saýda ortasyn qalyptastyrýǵa baǵyttalǵan birshama qujat qabyldandy. Endi osy ortaq mindetterdi múltiksiz saqtap, ózara alys-beris pen barys-keliske "tusaý bolatyn túitkilderdi" ýaqtyly sheship otyrý kerek”, — dedi ol.
Aitýynsha, komissiia kedergilerdi shuǵyl anyqtaý úshin EAEO-ǵa múshe memleketterdiń zańnamalyq bastamalaryna monitoring júrgizetin jasandy intellekt tehnologiiasyn qosý múmkindigin qarastyrǵany jón.
“Kedergisiz naryq pen taýarlardyń erkin qozǵalysyn qamtamasyz etý basty mindet bolýǵa tiis. Azamattar men biznes integratsiianyń naqty paidasyn kórýi kerek”, – dedi Memleket basshysy.
Sonymen qatar ol saýda-ekonomikalyq yntymaqtastyq aiasyn keńeitýdi belsendi qolǵa alǵan durys dep sanaidy.
“Biyl Mońǵoliiamen Erkin saýda aimaǵy týraly kelisimge, Birikken Arab Ámirlikterimen Ekonomikalyq seriktestik týraly kelisimge qol qoiyldy. Búgin Indoneziiamen osyndai mámile jasalady. Biz muny quptaimyz. Bul – birlesken jumystyń eleýli nátijesi. Ári ózge elderdiń Eýraziialyq ekonomikalyq odaqpen saýda bailanystaryn tereńdetýge qyzyǵýshylyǵy artyp kele jatqanyn kórsetedi. Taiaý keleshekte EAEO-nyń Jahandyq Ońtústik, Arab elderimen, Ońtústik-Shyǵys Aziia jáne Afrika memleketterimen yqpaldastyǵyn keńeitý mańyzdy dep sanaimyz. Sonymen qatar ShYU, ASEAN sekildi basqa da mańyzdy uiymdarmen yntymaqtastyqqa airyqsha kóńil bólý kerek”, – dedi Prezident.
