Qytaı men AQSH saýda kelisimin taǵy bir jylǵa uzartýy múmkin. Bul týraly derekkózderge silteme jasap South China Morning Post habarlady, dep jazady Dalanews.kz.
Habarlamada AQSH pen Qytaı Ońtústik Koreıada kelisilgen saýda «bitimin» taǵy bir jylǵa sozýǵa daıyn ekeni aıtylǵan. Bul másele AQSH prezıdenti Donald Tramp pen QHR tóraǵasy Sı Szınpın sáýir aıynyń basynda Beıjińde kezdesedi dep kútilip otyrǵan tusta qarastyrylmaq.
Derekkózderdiń aıtýynsha, kelisimdi uzartý qazan aıynda ótken samıt barysynda qol jetkizilgen qysqa merzimdi ekonomıkalyq nátıjelerdi bekitýge múmkindik beredi. Olardyń qatarynda Qytaıdyń qosymsha satyp alýlar jónindegi jańa mindettemeleri de bar.
