Qarjylyq monıtorıń agenttigi tóraǵasynyń orynbasary Jeńis Elemesov tabysy týraly ótirik aqparat bergen blogerler qalaı jazalanatynyn aıtty, dep habarlaıdy Dalanews.kz.
Elemesov mıllıardtaǵan teńge salyq bereshegi týraly habarlama alǵan qazaqstandyq blogerler qylmystyq qýdalaýǵa ushyraýy múmkin be degen suraqqa jaýap berdi.
"Ýákiletti organ tıisti tekserý júrgizip, naqty shyǵyn kólemin anyqtaıtyn hattama nemese qorytyndy bergennen keıin ǵana qylmystyq isti tirkeı alamyz", dedi ol.
Osydan keıin ǵana vedomstvo qaryz somasy zańda belgilengen shekti mólsherden asqan jaǵdaıda qylmystyq isti tirkeı alady. Áıtpese, blogerler ákimshilik jaýapkershilikke tartylady.
Eske salaıyq, buǵan deıin qyrýar salyq tólemegenderdiń "tiziminde" júrgen tanymal qazaqstandyqtar bul jaıtqa qatysty pikir bildirgen bolatyn.
Aıta keteıik, kúni keshe jýrnalıs Mıhaıl Kozachkov telegram arnasynda salyq tólemeı júrgen tanymal qazaqstandyqtardyń tizimin jarıalaǵan bolatyn. Onyń ishinde, bloger, kásipker Beıbit Álibekov kósh basynda tur. Tizimdegi aqparatqa sáıkes, Álibekov eki mıllıardtan asa salyq tólemegen.
