قارجىلىق مونيتورينگ اگەنتتىگى ءتوراعاسىنىڭ ورىنباسارى جەڭىس ەلەمەسوۆ تابىسى تۋرالى وتىرىك اقپارات بەرگەن بلوگەرلەر قالاي جازالاناتىنىن ايتتى، دەپ حابارلايدى Dalanews.kz.
ەلەمەسوۆ ميللياردتاعان تەڭگە سالىق بەرەشەگى تۋرالى حابارلاما العان قازاقستاندىق بلوگەرلەر قىلمىستىق قۋدالاۋعا ۇشىراۋى مۇمكىن بە دەگەن سۇراققا جاۋاپ بەردى.
"ۋاكىلەتتى ورگان ءتيىستى تەكسەرۋ جۇرگىزىپ، ناقتى شىعىن كولەمىن انىقتايتىن حاتتاما نەمەسە قورىتىندى بەرگەننەن كەيىن عانا قىلمىستىق ءىستى تىركەي الامىز"، دەدى ول.
وسىدان كەيىن عانا ۆەدومستۆو قارىز سوماسى زاڭدا بەلگىلەنگەن شەكتى مولشەردەن اسقان جاعدايدا قىلمىستىق ءىستى تىركەي الادى. ايتپەسە، بلوگەرلەر اكىمشىلىك جاۋاپكەرشىلىككە تارتىلادى.
ەسكە سالايىق، بۇعان دەيىن قىرۋار سالىق تولەمەگەندەردىڭ "تىزىمىندە" جۇرگەن تانىمال قازاقستاندىقتار بۇل جايتقا قاتىستى پىكىر بىلدىرگەن بولاتىن.
ايتا كەتەيىك، كۇنى كەشە جۋرناليست ميحايل كوزاچكوۆ تەلەگرام ارناسىندا سالىق تولەمەي جۇرگەن تانىمال قازاقستاندىقتاردىڭ ءتىزىمىن جاريالاعان بولاتىن. ونىڭ ىشىندە، بلوگەر، كاسىپكەر بەيبىت الىبەكوۆ كوش باسىندا تۇر. تىزىمدەگى اقپاراتقا سايكەس، الىبەكوۆ ەكى ميللياردتان اسا سالىق تولەمەگەن.
