Qazaqstanda qyrkúiek aiynan bastap mobildi aýdarymdardy baqylaýdyń jańa talaptary engiziledi. Biyl úsh ai ishinde 1 million teńgeden asatyn porog belgilenbek. Memlekettik kirister komiteti qazaqstandyqtardyń qandai jaǵdaida jasaityn aýdarymdary kásipkerlik qyzmetten túsken tabys retinde sanalatynyn túsindirdi, dep habarlaidy Dalanews.kz.
MKK baspasóz qyzmetiniń habarlaýynsha, eger bir adam úsh ai ishinde óziniń bank shotyna ártúrli jiberýshilerden 100-den astam aýdarym qabyldasa, ol kásipkerlik qyzmetten tabys retinde qarastyrylady.
Sonymen birge, 100 túrli tulǵadan túsken qarjy kólemi 12 eń tómengi jalaqydan (ETJ) asýy tiis. 2025 jyly ETJ 85 000 teńge bolǵandyqtan, bul soma 1 020 000 teńgeni quraidy.
Baqylaý qalai júrgiziledi?
MKK málimetinshe, bankter belgili bir merzim ishinde aýdarym sany men kólemi belgilengen kriteriiden asyp ketken jeke tulǵalardyń derekterin memlekettik kirister organdaryna jiberip otyrady.
Odan keiin salyq organdary alynǵan aqparatty taldaidy. Osylaisha, jańa erejeler kórsetilgen shekten aspaityn qarapaiym azamattarǵa áser etpeidi.
Ne bolady?
Eger salyq organdary kásipkerlik qyzmet belgilerin anyqtasa, azamatqa zańbuzýshylyqty joiý jóninde habarlama jiberedi. Habarlamany oryndaý úshin ony alǵan kúnnen keiingi kúnnen bastap 30 jumys kúni beriledi.
Al habarlamany oryndamaǵan nemese tolyq oryndamaǵan jaǵdaida taqyryptyq salyqtyq tekserý taǵaiyndalady. Mundai tekserý tek bir másele aiasynda ǵana júrgiziledi.
