قازاقستاندا قىركٷيەك ايىنان باستاپ موبيلدٸ اۋدارىمداردى باقىلاۋدىڭ جاڭا تالاپتارى ەنگٸزٸلەدٸ. بيىل ٷش اي ٸشٸندە 1 ميلليون تەڭگەدەن اساتىن پوروگ بەلگٸلەنبەك. مەملەكەتتٸك كٸرٸستەر كوميتەتٸ قازاقستاندىقتاردىڭ قانداي جاعدايدا جاسايتىن اۋدارىمدارى كەسٸپكەرلٸك قىزمەتتەن تٷسكەن تابىس رەتٸندە سانالاتىنىن تٷسٸندٸردٸ, دەپ حابارلايدى Dalanews.kz.
مكك باسپاسٶز قىزمەتٸنٸڭ حابارلاۋىنشا, ەگەر بٸر ادام ٷش اي ٸشٸندە ٶزٸنٸڭ بانك شوتىنا ەرتٷرلٸ جٸبەرۋشٸلەردەن 100-دەن استام اۋدارىم قابىلداسا, ول كەسٸپكەرلٸك قىزمەتتەن تابىس رەتٸندە قاراستىرىلادى.
سونىمەن بٸرگە, 100 تٷرلٸ تۇلعادان تٷسكەن قارجى كٶلەمٸ 12 ەڭ تٶمەنگٸ جالاقىدان (ەتج) اسۋى تيٸس. 2025 جىلى ەتج 85 000 تەڭگە بولعاندىقتان, بۇل سوما 1 020 000 تەڭگەنٸ قۇرايدى.
باقىلاۋ قالاي جٷرگٸزٸلەدٸ?
مكك مەلٸمەتٸنشە, بانكتەر بەلگٸلٸ بٸر مەرزٸم ٸشٸندە اۋدارىم سانى مەن كٶلەمٸ بەلگٸلەنگەن كريتەرييدەن اسىپ كەتكەن جەكە تۇلعالاردىڭ دەرەكتەرٸن مەملەكەتتٸك كٸرٸستەر ورگاندارىنا جٸبەرٸپ وتىرادى.
ودان كەيٸن سالىق ورگاندارى الىنعان اقپاراتتى تالدايدى. وسىلايشا, جاڭا ەرەجەلەر كٶرسەتٸلگەن شەكتەن اسپايتىن قاراپايىم ازاماتتارعا ەسەر ەتپەيدٸ.
نە بولادى?
ەگەر سالىق ورگاندارى كەسٸپكەرلٸك قىزمەت بەلگٸلەرٸن انىقتاسا, ازاماتقا زاڭبۇزۋشىلىقتى جويۋ جٶنٸندە حابارلاما جٸبەرەدٸ. حابارلامانى ورىنداۋ ٷشٸن ونى العان كٷننەن كەيٸنگٸ كٷننەن باستاپ 30 جۇمىس كٷنٸ بەرٸلەدٸ.
ال حابارلامانى ورىنداماعان نەمەسە تولىق ورىنداماعان جاعدايدا تاقىرىپتىق سالىقتىق تەكسەرۋ تاعايىندالادى. مۇنداي تەكسەرۋ تەك بٸر مەسەلە اياسىندا عانا جٷرگٸزٸلەدٸ.
