Qyrǵyzstanda balalardy zorlaý, sondai-aq áielderdi zorlap óltirý qylmystary úshin ólim jazasyn engizý qarastyrylyp jatyr. Bul týraly Facebook paraqshasynda prezident Sadyr Japarovtyń baspasóz hatshysy Askat Alagozov málimdedi, dep habarlaidy Dalanews.kz.
Áńgime balalardy zorlaǵany úshin, sondai-aq áielderdi zorlap óltirgeni úshin ólim jazasyn engizý jaiynda bolyp otyr. Prezident Sadyr Japarovtyń pikirinshe, ásirese balalar men áielderge qarsy qylmystar jazasyz qalmaýy tiis.
Mundai sheshim shyǵarýǵa 17 jastaǵy Aisýlýý Muqashevany zorlap, aiaýsyz óltirý oqiǵasy sebep boldy. Qylmysty jasaǵan degen kúdikpen Bishkektiń 41 jastaǵy turǵyny ustaldy. Tergeýde ol Aisýlýýdy urlap, zorlap, óltirgenin aitqan. Marqumnyń denesin Ystyqkól mańyna kómip, keiin qaita kelip, deneni qazyp alyp, Boom shatqalyna tastaǵan. Qaitys bolǵan qyzdyń týystary kúdiktiniń buǵan deiin de jynystyq zorlyq jasaǵany úshin jaýapqa tartylǵanyn, biraq jazadan qutylyp ketkenin málimdedi.
Qyrǵyzstan zańnamasynda ólim jazasy buǵan deiin de bolǵan. Alaida 2007 jyly ol alynyp tastalyp, ornyna ómir boiyna bas bostandyǵynan aiyrý jazasy engizilgen edi.
