Qyrǵyz eli koronavırýs pen pnevmonıadan úıinen emdelgenderdiń statısıkalyq málimetterin biriktiredi, dep habarlaıdy Dalanews.kz 24.kg-ge silteme jasap.

Bul sheshimdi arnaıy brıfıńte el premer-mınıstriniń orynbasary Aıda Ismaılova aıtty. Onyń sózine qaraǵanda, kóbinese COVID-19 jáne pnevmonıamen aýyryp, úıinen em alǵan naýqastar týraly statısıkany biryńǵaı etý týraly másele týyndaıdy. Ol Densaýlyq saqtaý mınıstrligi stasıonarlyq jáne ambýlatorlyq kómekke koronavırýs ınfeksıasyn jáne onyń asqynýlaryn, onyń ishinde pnevmonıany emdeýdiń úshinshi klınıkalyq erejelerin bekitkenin atap ótti.

Onyń aıtýynsha, DDU qabyldaǵan MKB-10 aýrýlarynyń halyqaralyq klassıfıkasıasyna sáıkes, koronavırýs tótenshe jaǵdaılarda qoldanylatyn 07 klasyna jatady.

- Eger aýrý zerthana nátıjesimen rastalsa, onda oǵan U-07.1 kody beriledi. Eger zerthana nátıjesi bolmasa, biraq klınıkalyq belgileri jáne rentgenologıalyq dálel bolǵan jaǵdaıda, ol U-07.2 kodymen jazylady. Koronavırýs ınfeksıasynyń kórinisterin emdeýdiń birtutas tásilin belgileý úshin Densaýlyq saqtaý mınıstrligi buıryq shyǵardy, oǵan sáıkes pnevmonıa ekinshi kodqa jatady. Osy jaǵynan alǵanda, úıden emdeletin pnevmonıa COVID-19 dertiniń kórinisi bolyp sanalady, - dedi Ismaılova.