بۇل شەشٸمدٸ ارنايى بريفينگتە ەل پرەمەر-مينيسترٸنٸڭ ورىنباسارى ايدا يسمايلوۆا ايتتى. ونىڭ سٶزٸنە قاراعاندا, كٶبٸنەسە COVID-19 جەنە پنەۆمونييامەن اۋىرىپ, ٷيٸنەن ەم العان ناۋقاستار تۋرالى ستاتيستيكانى بٸرىڭعاي ەتۋ تۋرالى مەسەلە تۋىندايدى. ول دەنساۋلىق ساقتاۋ مينيسترلٸگٸ ستاتسيونارلىق جەنە امبۋلاتورلىق كٶمەككە كوروناۆيرۋس ينفەكتسيياسىن جەنە ونىڭ اسقىنۋلارىن, ونىڭ ٸشٸندە پنەۆمونييانى ەمدەۋدٸڭ ٷشٸنشٸ كلينيكالىق ەرەجەلەرٸن بەكٸتكەنٸن اتاپ ٶتتٸ.
ونىڭ ايتۋىنشا, ددۇ قابىلداعان مكب-10 اۋرۋلارىنىڭ حالىقارالىق كلاسسيفيكاتسيياسىنا سەيكەس, كوروناۆيرۋس تٶتەنشە جاعدايلاردا قولدانىلاتىن 07 كلاسىنا جاتادى.
- ەگەر اۋرۋ زەرتحانا نەتيجەسٸمەن راستالسا, وندا وعان U-07.1 كودى بەرٸلەدٸ. ەگەر زەرتحانا نەتيجەسٸ بولماسا, بٸراق كلينيكالىق بەلگٸلەرٸ جەنە رەنتگەنولوگييالىق دەلەل بولعان جاعدايدا, ول U-07.2 كودىمەن جازىلادى. كوروناۆيرۋس ينفەكتسيياسىنىڭ كٶرٸنٸستەرٸن ەمدەۋدٸڭ بٸرتۇتاس تەسٸلٸن بەلگٸلەۋ ٷشٸن دەنساۋلىق ساقتاۋ مينيسترلٸگٸ بۇيرىق شىعاردى, وعان سەيكەس پنەۆمونييا ەكٸنشٸ كودقا جاتادى. وسى جاعىنان العاندا, ٷيدەن ەمدەلەتٸن پنەۆمونييا COVID-19 دەرتٸنٸڭ كٶرٸنٸسٸ بولىپ سانالادى, - دەدٸ يسمايلوۆا.
