Qyrǵyzstannyń Naryn oblysyna qarasty At-Bashy aýdanynda 28 qańtarda mıtıń ótti. Bul týraly Azattyqqa úkimettiń Naryn oblysyndaǵy ókildiginiń baspasóz hatshysy Nazgúl Músúralıeva habarlady.

Ol aýdandyq ákimdiktiń málimetine súıenip, mıtıńge 50-60 adam qatysqanyn, kópshiligi At-Bashy bazarynda saýda jasaıtyndar ekenin, árbir aýyldan 2-3 adam kelgenin aıtty.

– Negizgi talaptary – ındýstrıalyq saýda-logıstıkalyq ortalyqty Qytaı ınvestorlarynyń salynýyna qarsymyz, ony ózimizdiń qyrǵyz kásipkerleri salsyn dep talap etip otyr.

At-Bashydaǵy shekaraǵa jaqyn aımaqta ortalyq qurý jobasyn iske asyrýshy «At-Bashy Qyrǵyz-Qytaı erkin saýda aımaǵy» kompanıasyna qytaılyq Lú In jáne qyrǵyzstandyq Emılbek Abdykadyrov ıelik etedi. Qyrǵyz kásipkeriniń aıtýynsha, logıstıkalyq ortalyqty salý úshin Lú In 280 mıllıon dollar ınvestısıa jasamaq. Basqasha aıtqanda, memleketten eshqandaı kepildik kelisimderi joq.

Qurylysqa qarsy bolǵandar logıstıkalyq ortalyq salý úshin bólingen jer keıin Qytaıǵa ótip ketedi dep qaýiptenedi.

2000 jyldyń basynan beri jergilikti bılik At-Bashyǵa saýda termınaly salynatynyn aıtyp, ınvestor izdep keledi.