Qyrǵyzdar «kári saiasatkerlerden» mezi bolǵandaryn ashyq aitty
Mitingide ýaqytsha úkimetti Tilek Toktogaziev basqarsyn degen usynys aityldy. Toktogaziev – jas kásipker, «Ata Meken» partiiasy atynan parlament sailaýyna qatysqan.
Aktsiiaǵa qatysýshylardyń málimdeýinshe, olar jastar atanyn sóileidi jáne liýstratsiia talap etedi. Bunyń aldynda úkimet úiine saiasatkerler Kamchybek Tashiev pen Sadyr Japarov, sonymen birge «Chon kazat» partiiasynyń ókilderi kirgen.
Altynshy qazanda Jogorký Kenesh depýtattarynyń toby kezekten tys jinalys ótkizip, premer-ministr Kýbatbek Boronov qyzmetten alynǵanyn habarlady, odan soń depýtattar bul qyzmetke Sadyr Japarovty usynǵan. 6 qazanda túnde Japarov koloniiadan bosatyldy. Onyń premerlikke usynylýyn kópshilik qoldap otyrǵan joq.
Densaýlyq saqtaý ministrliginiń málimetinshe, Bishkekte 6 qazanǵa qaraǵan túni bolǵan qaqtyǵystan 768 adam zardap shekti, jeti adam jansaqtaý bóliminde jatyr. 2001 jyly týǵan bir jigit qaza tapty.
5 qazanda túnde narazy top Aq úi ǵimaratyn basyp aldy. Olar Qyrǵyzstannyń burynǵy prezidenti Almazbek Atambaevty, eks-depýtat Sadyr Japarovty jáne basqa da sheneýnikterdi qamaýdan bosatty.
