Qyrǵyzstan prezıdenti Sadyr Japarov elindegi elektr energıasy jáne kómir daǵdarysyna baılanysty Facebook paraqshasyna pikirin bildirdi. Óz kezeginde prezıdenti sońǵy on jylda birdebir GES salynbaǵanyn, elektr energıanyń bir kılovatyn bes somnan alyp, halyqqa 77 tıynnan satyp jatqanyn, bul júıeniń bankrotqa alyp kelip, burynǵy bılik 140 mlrd som qaryzǵa batqanyn jazdy, – dep habarlaıdy Dalanews.kz.

– «Budan bylaı bir tıyn qaryz almaımyz. Importty bes somnan alýdy toqtatamyz. Biz ózindik narqy qansha bolsa, sonshadan alamyz ári ózimiz óndiremiz» dep tapsyrma bergem. Qazir ımport baǵasy eki somdaı bolyp jatyr. 140 mıllıard som qaryzdan birtindep qutylyp jatyrmyz. Kishi jáne orta GES sala bastadyq. Qudaı qalasa, 2024-2025 jyldarǵa qaraı energetıkalyq daǵdarystan shyǵamyz. Importtaýshy emes, eksporttaýshy elge aınalamyz. Oǵan deıin energetıka mınıstri Dosqul Bekmurzaevty qansha synasańdar da, bul sala daǵdarystan shyqpaıdy, – degen Japarov.

«Soltústik elektr» kásiporny 1 qarashadan bastap bir fazaly abonentter úshin 5 kılovatt, úsh fazaly abonentterge 10 kılovatt shekteý engizgen. Kásiporynnyń baspasóz qyzmeti mundaı qadam aldaǵy qys mezgilinen sátti ótý úshin elektr energıasyn únemdeý maqsatynda jasalynyp jatqanyn málimdedi.

Toqtaǵul sý qoımasynda sýdyń kólemi jyldaǵydan túsip ketken.