Qyrǵyz prezidenti: «Budan bylai bir tiyn qaryz almaimyz»
– «Budan bylai bir tiyn qaryz almaimyz. Importty bes somnan alýdy toqtatamyz. Biz ózindik narqy qansha bolsa, sonshadan alamyz ári ózimiz óndiremiz» dep tapsyrma bergem. Qazir import baǵasy eki somdai bolyp jatyr. 140 milliard som qaryzdan birtindep qutylyp jatyrmyz. Kishi jáne orta GES sala bastadyq. Qudai qalasa, 2024-2025 jyldarǵa qarai energetikalyq daǵdarystan shyǵamyz. Importtaýshy emes, eksporttaýshy elge ainalamyz. Oǵan deiin energetika ministri Dosqul Bekmurzaevty qansha synasańdar da, bul sala daǵdarystan shyqpaidy, – degen Japarov.
«Soltústik elektr» kásiporny 1 qarashadan bastap bir fazaly abonentter úshin 5 kilovatt, úsh fazaly abonentterge 10 kilovatt shekteý engizgen. Kásiporynnyń baspasóz qyzmeti mundai qadam aldaǵy qys mezgilinen sátti ótý úshin elektr energiiasyn únemdeý maqsatynda jasalynyp jatqanyn málimdedi.
Toqtaǵul sý qoimasynda sýdyń kólemi jyldaǵydan túsip ketken.
