قىرعىزستان پرەزيدەنتى سادىر جاپاروۆ ەلىندەگى ەلەكتر ەنەرگياسى جانە كومىر داعدارىسىنا بايلانىستى Facebook پاراقشاسىنا پىكىرىن ءبىلدىردى. ءوز كەزەگىندە پرەزيدەنتى سوڭعى ون جىلدا بىردەبىر گەس سالىنباعانىن، ەلەكتر ەنەرگيانىڭ ءبىر كيلوۆاتىن بەس سومنان الىپ، حالىققا 77 تيىننان ساتىپ جاتقانىن، بۇل جۇيەنىڭ بانكروتقا الىپ كەلىپ، بۇرىنعى بيلىك 140 ملرد سوم قارىزعا باتقانىن جازدى، – دەپ حابارلايدى Dalanews.kz.

– «بۇدان بىلاي ءبىر تيىن قارىز المايمىز. يمپورتتى بەس سومنان الۋدى توقتاتامىز. ءبىز وزىندىك نارقى قانشا بولسا، سونشادان الامىز ءارى ءوزىمىز وندىرەمىز» دەپ تاپسىرما بەرگەم. ءقازىر يمپورت باعاسى ەكى سومداي بولىپ جاتىر. 140 ميلليارد سوم قارىزدان بىرتىندەپ قۇتىلىپ جاتىرمىز. كىشى جانە ورتا گەس سالا باستادىق. قۇداي قالاسا، 2024-2025 جىلدارعا قاراي ەنەرگەتيكالىق داعدارىستان شىعامىز. يمپورتتاۋشى ەمەس، ەكسپورتتاۋشى ەلگە اينالامىز. وعان دەيىن ەنەرگەتيكا ءمينيسترى دوسقۇل بەكمۇرزايەۆتى قانشا سىناساڭدار دا، بۇل سالا داعدارىستان شىقپايدى، – دەگەن جاپاروۆ.

«سولتۇستىك ەلەكتر» كاسىپورنى 1 قاراشادان باستاپ ءبىر فازالى ابونەنتتەر ءۇشىن 5 كيلوۆاتت، ءۇش فازالى ابونەنتتەرگە 10 كيلوۆاتت شەكتەۋ ەنگىزگەن. كاسىپورىننىڭ باسپا ءسوز قىزمەتى مۇنداي قادام الداعى قىس مەزگىلىنەن ءساتتى ءوتۋ ءۇشىن ەلەكتر ەنەرگياسىن ۇنەمدەۋ ماقساتىندا جاسالىنىپ جاتقانىن مالىمدەدى.

توقتاعۇل سۋ قويماسىندا سۋدىڭ كولەمى جىلداعىدان ءتۇسىپ كەتكەن.