Birneshe saǵat ishinde álemdik qarjy naryǵynda erekshe jaǵdai tirkeldi. Bar-joǵy 3 saǵattyń ishinde altyn men kúmistiń naryqtyq kapitalizatsiiasy shamamen 2 trillion dollarǵa qysqarǵan, dep habarlaidy Dalanews.kz.
Osy ýaqytta munai baǵasy kún ishindegi ósimin tolyq joǵaltty, al AQSh-tyń qor naryǵyna qatysty fiýcherster qaitadan oń aimaqqa jaqyndai bastady.
Sarapshylardyń aitýynsha, Iranmen bailanysty shielenis bastalǵaly beri mundai jaǵdai sirek kezdesedi. Ádette munai men aktsiialardaǵy ózgerister altyn baǵasynyń ósýine áser etetin. Al bul joly kerisinshe jaǵdai baiqalyp otyr.
Buǵan ne sebep bolýy múmkin?
Mamandar muny naryqtaǵy iri oiynshylardyń birin májbúrli túrde pozitsiiasyn jabýǵa itermeleýimen bailanystyrady. Iaǵni aktivterdi jappai satý baǵalardyń kúrt jáne retsiz qubylýyna ákelýi múmkin.
Sonymen qatar AQSh-tyń 10 jyldyq qazynashylyq obligatsiialarynyń kirisi 4,40%-ǵa deiin ósip (keiingi úsh aptada +45 bazistik pýnkt), túrli aktivke qysym túsirip otyr.
