Qylmys áleminde “Leha Semıpalatınsk” degen atpen tanymal 66 jastaǵy Aıtqalı Maımushev Reseı túrmesinde óli kúıinde tabyldy. Derekterge súıensek, ol ózine qol jumsaǵan, dep habarlaıdy Dalanews.kz.
Ol Karelıa Respýblıkasyndaǵy Nadvoısy aýylyndaǵy túzetý kolonıasynda jazasyn ótep jatqan. Onyń ólimi týraly reseılik Prime Crime Telegram arnasy aqparat taratty.
2023 jyldyń shildesinde Máskeý qalalyq soty Maımushevti qylmystyq ıerarhıada joǵary laýazymǵa ıe bolǵany jáne esirtki saýdasymen aınalysqany úshin kináli dep taýyp, 9 jylǵa bas bostandyǵynan aıyrǵan edi.
