Almatydaǵy Qazaq-britan tehnikalyq ýniversiteti Qazaqstan Teńiz akademiiasynyń eń alǵashqy 16 túlegine diplom tabystady. 4 jyl boiy bilim alǵan keshegi stýdentter endi keme júrgizýshisi, keme mehanigi siiaqty mamandyqtardy igerip, Qazaqstannyń halyqaralyq dárejedegi alǵashqy teńizshileri atandy.

Aita ketsek, Qazaqstan teńiz akademiiasy Elbasynyń bastamasymen 2012 jyly KBTÝ janynan ashylǵan bolatyn. Bul jobanyń ashylýyna muryndyq bolyp, demeýshilik jasaǵan — "Shevron" kompaniiasy.

Qazaqstan jastary úshin tyń mamandyq — keme mehanigi mamany diplomyn alǵan túlekterdiń biri Arailym Bekovanyń aitýynsha, Qazaqstan qazir Kaspii teńizinde túrli jobalardy júzege asyrýdy kózdep otyrǵandyqtan, elimizde bul mamandyqtyń bolashaǵy zor.

— Bul mamandyq áielge qol emes dep jatady. Biraq maǵan óz mamandyǵym unaidy. Óz salamdy taptym dep senemin. Qazir zamanaýi tehnika damyp keledi, teńiz salasynda da áiel-mamandar kóbeiip keledi. Bul mamandyqtyń bolashaǵy zor dep oilaimyn, deidi teńiz akademiiasynyń túlegi.