الماتىداعى قازاق-بريتان تەحنيكالىق ۋنيۆەرسيتەتٸ قازاقستان تەڭٸز اكادەميياسىنىڭ ەڭ العاشقى 16 تٷلەگٸنە ديپلوم تابىستادى. 4 جىل بويى بٸلٸم العان كەشەگٸ ستۋدەنتتەر ەندٸ كەمە جٷرگٸزۋشٸسٸ, كەمە مەحانيگٸ سيياقتى ماماندىقتاردى يگەرٸپ, قازاقستاننىڭ حالىقارالىق دەرەجەدەگٸ العاشقى تەڭٸزشٸلەرٸ اتاندى.
ايتا كەتسەك, قازاقستان تەڭٸز اكادەميياسى ەلباسىنىڭ باستاماسىمەن 2012 جىلى كبتۋ جانىنان اشىلعان بولاتىن. بۇل جوبانىڭ اشىلۋىنا مۇرىندىق بولىپ, دەمەۋشٸلٸك جاساعان — "شەۆرون" كومپانيياسى.
قازاقستان جاستارى ٷشٸن تىڭ ماماندىق — كەمە مەحانيگٸ مامانى ديپلومىن العان تٷلەكتەردٸڭ بٸرٸ ارايلىم بەكوۆانىڭ ايتۋىنشا, قازاقستان قازٸر كاسپيي تەڭٸزٸندە تٷرلٸ جوبالاردى جٷزەگە اسىرۋدى كٶزدەپ وتىرعاندىقتان, ەلٸمٸزدە بۇل ماماندىقتىڭ بولاشاعى زور.
— بۇل ماماندىق ەيەلگە قول ەمەس دەپ جاتادى. بٸراق ماعان ٶز ماماندىعىم ۇنايدى. ٶز سالامدى تاپتىم دەپ سەنەمٸن. قازٸر زاماناۋي تەحنيكا دامىپ كەلەدٸ, تەڭٸز سالاسىندا دا ەيەل-ماماندار كٶبەيٸپ كەلەدٸ. بۇل ماماندىقتىڭ بولاشاعى زور دەپ ويلايمىن, دەيدٸ تەڭٸز اكادەميياسىنىڭ تٷلەگٸ.
