Júzdesýde qos tarap tsifrlyq transformatsiia salasynda yntymaqtastyq ornatý jáne innovatsiialyq tehnologiialardy birlesip júzege asyrý máselelerin talqylady.
QazUÝ basshysy meimandarǵa álemge áigili kompaniialarmen birlesip jumys isteýdegi ýniversitet tájiribesimen bólisti.
«Ýniversitette Samsung, Hewlett-Packard, Cisco, Konisa Minolta, Fujitsu, Alcatel, Microsoft, «Laboratoriia Kasperskogo», Huawei jáne ózge de joǵary tehnologiialyq kompaniialardyń sertifikattaý ortalyqtary, zerthanalary, institýttary tabysty jumys isteýde.
Atalǵan jetekshi kompaniialarmen birlesip oqytýshy-professorlar quramynyń biliktiligin arttyrýǵa baǵyttalǵan birqatar is-sharalar ótkizildi. Ýniversitet bazasynda Samsung zerthanasy ashyldy. Sonymen qatar joǵary oqý ornynyń ǵalymdary ázirlegen innovatsiialyq jobalarymyz bar. Oqytýshylar men stýdentter Smart tehnologiia, robototehnika, jasandy intellekt jáne oqý-zerthanalyq stendteri boiynsha jobalardy ázirlep, iske qosty», – dedi ýniversitet basshysy.
Sóz sońynda Janseiit Túimebaev túrli bilim berý baǵdarlamalary men ǵylymi-innovatsiialyq jobalardy iske asyrýǵa múddeli ekenin jáne tsifrlyq transformatsiia salasyndaǵy jemisti yntymaqtastyqqa baǵyttalǵan barlyq bastamalardy qoldaýǵa daiyn ekenin jetkizdi.
Óz kezeginde TMD elderindegi ZTE biznesin damytý jónindegi bas direktor Vei Vei ZTE Corporation týraly tolyq aqparat berip, óz usynysyn bildirdi.
«ZTE kompaniiasy 1985 jyly Qytaidyń Shenchjen qalasynda qurylǵan. Búgingi tańda álemniń kóptegen elinde kompaniianyń zertteý ortalyqtary jumys isteidi. Kompaniia Ońtústik Aziia, Soltústik Amerika, Eýropa, Latyn Amerikasy, Afrika jáne TMD-daǵy 500-den astam bailanys operatorlaryna qyzmet kórsete otyryp, 140 el men aimaqqa jabdyqtar men qyzmetter jetkizip otyr», – dedi Vei Vei.
Kezdesý sońynda Vei Vei seriktestik ornatý mańyzdy qadam bolatynyn tilge tiek etti. Sondai-aq birlesken jobalar boiynsha jumysty odan ári jandandyrýǵa daiyn ekenin jetkizdi.
Ál-Farabi atyndaǵy QazUÝ-dyń baspasóz qyzmeti
