جۇزدەسۋدە قوس تاراپ سيفرلىق ترانسفورماسيا سالاسىندا ىنتىماقتاستىق ورناتۋ جانە يننوۆاسيالىق تەحنولوگيالاردى بىرلەسىپ جۇزەگە اسىرۋ ماسەلەلەرىن تالقىلادى.
قازۇۋ باسشىسى مەيماندارعا الەمگە ايگىلى كومپانيالارمەن بىرلەسىپ جۇمىس ىستەۋدەگى ۋنيۆەرسيتەت تاجىريبەسىمەن ءبولىستى.
«ۋنيۆەرسيتەتتە Samsung، Hewlett-Packard، Cisco، Koniسa Minolta، Fujitsu، Alcatel، Microsoft، «لابوراتوريا كاسپەرسكوگو»، Huawei جانە وزگە دە جوعارى تەحنولوگيالىق كومپانيالاردىڭ سەرتيفيكاتتاۋ ورتالىقتارى، زەرتحانالارى، ينستيتۋتتارى تابىستى جۇمىس ىستەۋدە.
اتالعان جەتەكشى كومپانيالارمەن بىرلەسىپ وقىتۋشى-پروفەسسورلار قۇرامىنىڭ بىلىكتىلىگىن ارتتىرۋعا باعىتتالعان ءبىرقاتار ءىس-شارالار وتكىزىلدى. ۋنيۆەرسيتەت بازاسىندا Samsung زەرتحاناسى اشىلدى. سونىمەن قاتار جوعارى وقۋ ورنىنىڭ عالىمدارى ازىرلەگەن يننوۆاسيالىق جوبالارىمىز بار. وقىتۋشىلار مەن ستۋدەنتتەر Smart تەحنولوگيا، روبوتوتەحنيكا، جاساندى ينتەللەكت جانە وقۋ-زەرتحانالىق ستەندتەرى بويىنشا جوبالاردى ازىرلەپ، ىسكە قوستى»، – دەدى ۋنيۆەرسيتەت باسشىسى.
ءسوز سوڭىندا جانسەيىت تۇيمەبايەۆ ءتۇرلى ءبىلىم بەرۋ باعدارلامالارى مەن عىلىمي-يننوۆاسيالىق جوبالاردى ىسكە اسىرۋعا مۇددەلى ەكەنىن جانە سيفرلىق ترانسفورماسيا سالاسىنداعى جەمىستى ىنتىماقتاستىققا باعىتتالعان بارلىق باستامالاردى قولداۋعا دايىن ەكەنىن جەتكىزدى.
ءوز كەزەگىندە تمد ەلدەرىندەگى ZTE بيزنەسىن دامىتۋ جونىندەگى باس ديرەكتور ۆەي ۆەي ZTE Corporation تۋرالى تولىق اقپارات بەرىپ، ءوز ۇسىنىسىن ءبىلدىردى.
«ZTE كومپانياسى 1985 جىلى قىتايدىڭ شەنچجەن قالاسىندا قۇرىلعان. بۇگىنگى تاڭدا الەمنىڭ كوپتەگەن ەلىندە كومپانيانىڭ زەرتتەۋ ورتالىقتارى جۇمىس ىستەيدى. كومپانيا وڭتۇستىك ازيا، سولتۇستىك امەريكا، ەۋروپا، لاتىن امەريكاسى، افريكا جانە تمد-داعى 500-دەن استام بايلانىس وپەراتورلارىنا قىزمەت كورسەتە وتىرىپ، 140 ەل مەن ايماققا جابدىقتار مەن قىزمەتتەر جەتكىزىپ وتىر»، – دەدى ۆەي ۆەي.
كەزدەسۋ سوڭىندا ۆەي ۆەي سەرىكتەستىك ورناتۋ ماڭىزدى قادام بولاتىنىن تىلگە تيەك ەتتى. سونداي-اق بىرلەسكەن جوبالار بويىنشا جۇمىستى ودان ءارى جانداندىرۋعا دايىن ەكەنىن جەتكىزدى.
ءال-فارابي اتىنداعى قازۇۋ-دىڭ باسپا ءسوز قىزمەتى
