QazUÝ qalashyǵyna taǵy 120 qaraǵai otyrǵyzyldy
Stýdentter qalashyǵyn kórkeitý, sán-saltanatyn arttyrý jumystary Naýryz aiynan bastap qolǵa alynyp keledi.
Ulystyń uly kúni «Aǵashtar alleiasy» ashylyp, onda ujymmen birge 160-tan astam qyrym qaraǵaiy men altai shyrshasy otyrǵyzylǵan bolatyn.
Ǵylym qyzmetkerleri kúninde Elbasy Nursultan Nazarbaev «Uly dalanyń jeti qyrynyń» biri retinde atap ótken Sivers almasynyń 90 kósheti egilip, ol «Ǵalymdar baǵy» dep ataldy.
Igilikti is búgin jalǵasyn taýyp, «Aǵashtar alleiasyna» taǵy 120 túp qyrym qaraǵaiy qosyldy.
Ál-Farabi atyndaǵy Qazaq ulttyq ýniversitetiniń Basqarma Tóraǵasy, Rektory Janseiit Túimebaev el Prezidenti Q.K.Toqaevtyń «Táýelsizdik bárinen qymbat» baǵdarlamalyq maqalasyndaǵy tapsyrmalarǵa toqtala kele, kózdelgen mindetter QazUÝ qalashyǵynda aiqyn kórinis tabýy qajettigin alǵa tartty. Sondai-aq qalashyqty jastardyń jaily, kópshiliktiń kóńil qýantar mekenine ainaldyrý úshin aýqymdy jumystar josparlanyp, aldaǵy ýaqytta barlyq jataqhanalar mańyn kóriktendirý kózdelgenin atap ótti.
Al jastar uiymdary komitetiniń jetekshisi Madina Iskakova: «Qasietti Ramazan aiynda qaiyrymdy iske atsalysqanyma qýanyshtymyn. Stýdentterge qolaily jaǵdai jasap otyrǵan ýniversitet basshylyǵyna alǵys bildiremiz» dedi.
