قازۇۋ قالاشىعىنا تاعى 120 قاراعاي وتىرعىزىلدى
ستۋدەنتتەر قالاشىعىن كٶركەيتۋ, سەن-سالتاناتىن ارتتىرۋ جۇمىستارى ناۋرىز ايىنان باستاپ قولعا الىنىپ كەلەدٸ.
ۇلىستىڭ ۇلى كٷنٸ «اعاشتار اللەياسى» اشىلىپ, وندا ۇجىممەن بٸرگە 160-تان استام قىرىم قاراعايى مەن التاي شىرشاسى وتىرعىزىلعان بولاتىن.
عىلىم قىزمەتكەرلەرٸ كٷنٸندە ەلباسى نۇرسۇلتان نازارباەۆ «ۇلى دالانىڭ جەتٸ قىرىنىڭ» بٸرٸ رەتٸندە اتاپ ٶتكەن سيۆەرس الماسىنىڭ 90 كٶشەتٸ ەگٸلٸپ, ول «عالىمدار باعى» دەپ اتالدى.
يگٸلٸكتٸ ٸس بٷگٸن جالعاسىن تاۋىپ, «اعاشتار اللەياسىنا» تاعى 120 تٷپ قىرىم قاراعايى قوسىلدى.
ەل-فارابي اتىنداعى قازاق ۇلتتىق ۋنيۆەرسيتەتٸنٸڭ باسقارما تٶراعاسى, رەكتورى جانسەيٸت تٷيمەباەۆ ەل پرەزيدەنتٸ ق.ك.توقاەۆتىڭ «تەۋەلسٸزدٸك بەرٸنەن قىمبات» باعدارلامالىق ماقالاسىنداعى تاپسىرمالارعا توقتالا كەلە, كٶزدەلگەن مٸندەتتەر قازۇۋ قالاشىعىندا ايقىن كٶرٸنٸس تابۋى قاجەتتٸگٸن العا تارتتى. سونداي-اق قالاشىقتى جاستاردىڭ جايلى, كٶپشٸلٸكتٸڭ كٶڭٸل قۋانتار مەكەنٸنە اينالدىرۋ ٷشٸن اۋقىمدى جۇمىستار جوسپارلانىپ, الداعى ۋاقىتتا بارلىق جاتاقحانالار ماڭىن كٶرٸكتەندٸرۋ كٶزدەلگەنٸن اتاپ ٶتتٸ.
ال جاستار ۇيىمدارى كوميتەتٸنٸڭ جەتەكشٸسٸ مادينا يسكاكوۆا: «قاسيەتتٸ رامازان ايىندا قايىرىمدى ٸسكە اتسالىسقانىما قۋانىشتىمىن. ستۋدەنتتەرگە قولايلى جاعداي جاساپ وتىرعان ۋنيۆەرسيتەت باسشىلىعىنا العىس بٸلدٸرەمٸز» دەدٸ.
