Ál-Farabı atyndaǵy Qazaq ulttyq ýnıversıteti bilim alýshy jastardyń jaıly ári qaýipsiz oqý jáne turmys jaǵdaılaryn qamtamasyz etý maqsatynda oqý korpýstary men jataqhanalarda aǵymdaǵy jóndeý jumystaryn júıeli túrde júzege asyrýda, dep habarlaıdy Dalanews.kz
Stýdentter úılerindegi santehnıka jáne elektr jelisi, bólmeler men foıedegi lınoleým tósenishi, elektrotehnıkalyq jabdyqtar jańartyldy. Buǵan qosymsha jataqhanalardyń ishki qasbetinde syrlaý jumystary júrgizilip, aǵartyldy.
2023-2025 jyldar aralyǵynda jataqhanalardaǵy bólmeler men oqý zaldaryndaǵy 900-den astam esik tolyqtaı aýystyryldy. Sanıtarlyq toraptardy jańartý jumystary barysynda 220 ýnıtaz ben 285 qoljýǵysh ornatyldy.
2024 jyly QazUÝ qalashyǵyndaǵy barlyq jataqhananyń ashanasyna 120 tońazytqysh, 120 elektr plıtasy qoıyldy. 4000 matras, 4000 jamylǵy, 4000 jastyq, 4000 jaıma komplektisi jańadan alynyp, stýdentterge paıdalanýǵa berildi. Akt zaldaryna 210 m2 jalúzı ornatylyp, 600 dıvan-kreslo qaptaldy, 130 pýfık satyp alyndy.
Atalǵan barlyq jumystar sanıtarlyq turmystyq jaǵdaıdy jaqsartýǵa, ınfraqurylymdy jańartýǵa jáne stýdentterdiń jaıly ári qaýipsiz ortada turýy men oqý úderisin qamtamasyz etýge baǵyttalǵan. Ál-Farabı atyndaǵy Qazaq ulttyq ýnıversıteti óz stýdentterine zamanaýı jáne qolaıly orta qalyptastyrýǵa erekshe mán beredi. Aldaǵy ýaqytta da jataqhanalardy basqa da turmystyq tehnıkalar jáne tósek jabdyqtarymen qamtamasyz etý jumystary jalǵasady.
