Sharanyń maqsaty – IT mamandaryn daiarlaýdaǵy sapany arttyrý, bitirýshi túlekterge arnalǵan bos oryndar jármeńkesin uiymdastyrý, stýdenttik IT startaptardy damytý.
Ál-Farabi atyndaǵy QazUÝ-dyń Basqarma Tóraǵasy – Rektory Janseiit Túimebaev bul forým stýdentterdiń IT-tehnologiialar salasynda qundy tájiribe jinaqtap, óz daǵdylaryn nyǵaitýǵa jol ashatynyn atap ótti
– Memleket basshysy Qasym-Jomart Toqaev «2025 jylǵa qarai keminde 100 myń joǵary bilikti IT-mamandar daiarlaý» mindetin qoidy. Prezident óz sózinde álemdik naryqta IT salasynda100 million mamannyń jetispeýshiligi týraly aitty. 2025 jylǵa qarai bul suranys 200 millionǵa deiin artady. Sondyqtan, búgingi sharanyń mańyzy joǵary. QazUÝ árdaiym stýdentterge sapaly bilim berýge jáne olardyń ózin-ózi jan-jaqty damýy men shyǵarmashylyq jumystaryn iske asyrýǵa barlyq jaǵdai jasaýǵa tyrysady. Bizdiń ýniversitet ár salada jetistikke jetken azamattar men talantty jastardyń basyn qosatyn dialog alańyna ainalyp keledi. Búgingi basqosý sizderge tiimdi tájiribe bolady degen úmittemin, – dedi Janseiit Túimebaev.
Erkin formatta uiymdastyrylǵan kezdesýde «ASUS» kompaniiasynyń tehnikalyq menedjeri Amantai Altanuly, Factorial Incubator baǵdarlamasynyń negizin qalaýshy Arman Súleimenov, Tsinhýa ýniversitetiniń professory Chjan Výshen, «ZTE» marketing boiynsha jetekshi sarapshysy Egor Maniýkov, «Baiterek Venture Fund» AQ Direktorlar keńesiniń múshesi ári kásipker Dana Blieva jáne t.b. sarapshylar men kásipkerler baiandama jasap, IT áleminiń ózekti máselelerin talqylady.
Qatysýshylardyń pikirinshe, konferentsiia IT salasynda elimizde jumys isteitin kompaniialardy jandandyrýǵa, kásibi daǵdylardy damytýǵa jáne óz múmkindikterin kórsetýge jańa serpin beredi.
Forým aiasynda stýdent jastarǵa arnalǵan bos oryndar jármeńkesi ótti. Jastarǵa memlekettik mekemeler, JShS, ekinshi deńgeidegi bankter, iri kompaniialar jumys usyndy. Sonymen qatar stýdentter atalǵan mekemelerden jazǵy óndiristik tájiribeden ótýge múmkindik aldy.
Kelýshiler nazaryna stýdenttik IT startaptar kómesi uiymdastyryldy. Sharanyń maqsaty – ýniversitettegi jas ǵalymdardyń innovatsiialyq jobalaryn kópshilikke keńinen tanystyrý. Sondai-aq bilim alýshy jastar arasynda «FIFA PS5» oiynynan jarys ótti.
Forým sońynda úzdik startaptardyń avtorlary men «FIFA PS5» oiynynyń jeńimpazdary anyqtalyp, qazylar alqasy júldegerlerdi diplom jáne baǵaly syilyqtarmen marapattady.
Ál-Farabi atyndaǵy QazUÝ-dyń Baspasóz qyzmeti
