Zertteý jumystary «Qazaqstannyń ońtústik-shyǵys jáne shyǵys aimaqtarynyń (Shý-Ile alqaby, Tarbaǵatai jáne Alakól oiysy) mádeni murasyn pánaralyq arheologiialyq jáne tarihi-etnografiialyq zertteý» atty maqsatty qarjylandyrý baǵdarlamasy aiasynda júrgizildi.
Dalalyq jumystar barysynda aýyldyń ońtústik shetindegi Kishi Almaty ózeni jaǵalaýyndaǵy qorǵan zertteldi. Qorǵannyń diametri – 30 m, biiktigi – 0,5 m. Ortalyq bólikten 1,2 m tereńdikten bir deńgeide jatqan, biraq jerleý rásiminde aiyrmashylyqtary bar eki qabir arshyldy.
Birinshi jerleý orny batystan shyǵysqa qarai baǵyttalyp, usaq tastardyń ústinde jatyr. Jerlengen adamnyń bas jaǵyna janýarlardyń súiekteri, sondai-aq qumyralar, alasa shynyaiaqtar men tostaǵandar túrindegi qysh ydystar qoiylǵan. Sonymen qatar, jerleý ornynan qola aina men altyn folgaǵa oralǵan monshaq ta tabyldy.
Jerlengen adamnyń sol jaǵynan 3 keramikalyq buiym tabyldy. Jerleý shuńqyrynyń shyǵys bóliginde tonaýshylardyń izi baiqaldy, bul qańqa súiekteriniń kópshiliginiń joq bolýyn jáne birtutas áshekei buiymdy quraǵan altyn monshaqtardyń kóp bóliginiń joq bolýyn túsindiredi.
Baǵaly tastarmen kómkerilgen altyn syrǵa da bas súiek qorapshasy janynan tabyldy. Taǵy da altyn monshaq bóligi alyndy. Máiit uzynynan sozylyp jatyr, onyń aiaq súiekteri saqtalmaǵan. Sondai-aq, oń qol saýsaqtarynyń tusynan saqtarǵa tán akinak (qanjar) tabyldy. Temir akinaktyń uzyndyǵy 30 sm, sonymen qatar qynaptyń altyn jabynynyń qaldyqtary da anyqtaldy. Eki saýsaqty ustaǵyshy men sýaǵary bar keramikalyq ydystardyń biri úisin zamanymen merzimdelýi yqtimal.
Jerleý rásimine qaraǵanda bul qabirler ár túrli ýaqyt aralyǵynda salyndy dep aitýǵa bolady. Ekspeditsiia jetekshisiniń pikirinshe, qorǵan úiindisiniń astynda taǵy da jerleý oryndary bolýy múmkin. Keleshekte qorǵan tolyǵymen zerttelmek. Qazirgi ýaqytta tabylǵan barlyq oljalar dalalyq zerthana jaǵdaiynda zerttelý ústinde. Tabylǵan arheologiialyq keshender jetisýlyq kóne turǵyndardyń zattyq jáne rýhani mádenietinen málimet beredi.
Ál-Farabi atyndaǵy QazUÝ-dyń Baspasóz qyzmeti
