Sapardyń basty maqsaty oqytý, bilim berý jáne innovatsiialyq úderisterdi qamtityn sandyq ýniversitet qurý tájiribesimen almasý.
Sapar Ýniversitettiń qalyptasýy men damýynyń búkil tarihy kórsetilgen Ál-Farabi murajaiynan bastaldy. Kezdesý ýniversitettiń aǵymdaǵy qyzmetin baqylaý jáne monitoring júrgizý úshin interaktivti derekterdi jinaý jáne taldaýǵa barlyq qajetti zamanaýi quraldarmen jabdyqtalǵan sitýatsiialyq ortalyǵyna jáne bilim alýshylarǵa «bir tereze» qaǵidaty negizinde qurylǵan «Keremet» stýdentterge qyzmet kórsetý ortalyǵyna barýmen jalǵasty. Ary qarai, QazUPÝ ókilderi «Kangnam Severans» Ońtústik Koreialyq klinikalardyń jetekshi mamandarynyń qatysýymen telemeditsina tehnologiiasyn paidalanyp, patsientterge jáne qashyqtaǵy keńes beretin jańa meditsinalyq jabdyqtarmen jabdyqtalǵan, diagnostikalyq ortalyǵynda boldy. Sapardyń qatysýshylary QazUÝ-dyń ǵylymi parkiniń qyzmeti, halyqaralyq yntymaqtastyq, bilim berý jáne tárbie jumysymen tanysty.
Oqý isi jónindegi prorektor Asqar Hikmetov jáne aqparattyq tehnologiialar jáne innovatsiialyq damý institýtynyń direktory Janl Mamyqova «Univer» júiesi týraly prezentatsiia ókizdi. Prezentatsiia barysynda barlyq negizgi baǵyttar boiynsha qajetti aqparat alýǵa múmkindik beretin (bilim berý, ǵylymi, ákimshilik), tiimdi basqarý sheshimderin qabyldaýdy jeńildetetin Univer júiesiniń qaǵidattarymen tanystyrdy. Sonymen qatar, jańa tehnologiialar men olardy kitaphana jumysynda paidalaný múmkindigi boiynsha Ǵylymi kitaphanaǵa ekskýrsiia ótkizildi.
Sapar sońynda birinshi prorektor Maqtaǵali Bektemesov uiymdastyrýshylardyń jumysyn joǵary baǵalap, is-sharanyń tabysty ótkenimen quttyqtady, uiymdastyrýshylarǵa jyly qabyldaǵany úshin alǵysyn bildirdi. Sondai-aq, usynylǵan qyzmet kórsetý modelderi stýdentterge qolaily ómir súrý jaǵdailaryn qamtamasyz etýge umtylatyn basqa qazaqstandyq joǵary oqý oryndary úshin úlgi bolatynyn atap aitty.
Abai atyndaǵy QazUPÝ-dyń, Qoǵammen bailanys bólimi
https://dalanews.kz/32006
