تاياۋدا اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ دەلەگاسياسى ءال-فارابي اتىنداعى قازاق ۇلتتىق ۋنيۆەرسيتەتىنە ساپارمەن بارىپ قايتتى. دەلەگاسيا قۇرامىندا اباي اتىنداعى قازۇپۋ-دىڭ پرورەكتورلارى جانە قۇرىلىمدىق بولىمشەلەرىنىڭ باسشىلارى بولدى.

ساپاردىڭ باستى ماقساتى وقىتۋ، ءبىلىم بەرۋ جانە يننوۆاسيالىق ۇدەرىستەردى قامتيتىن ساندىق ۋنيۆەرسيتەت قۇرۋ تاجىريبەسىمەن الماسۋ.

قازاقستاننىڭ جەتەكشى ۋنيۆەرسيتەتتەرىنىڭ رەكتورلارى تاكير بالىقبايەۆ جانە عالىمقايىر مۇتانوۆ كەلەسىدەي وزەكتى ماسەلەلەردى تالقىلادى: جاڭا جاعدايلاردا ءبىلىم بەرۋ جۇيەلەرىنىڭ قۇرىلىمى مەن وزگەرۋى؛ قازۇپۋ مەن قازۇۋ اراسىنداعى ورتاق قىزىعۋشىلىق اياسى؛ تاجىريبە الماسۋدىڭ جاڭا باعىتتارى مەن ۋنيۆەرسيتەتتەر اراسىنداعى ىنتىماقتاستىق.

ساپار ۋنيۆەرسيتەتتىڭ قالىپتاسۋى مەن دامۋىنىڭ بۇكىل تاريحى كورسەتىلگەن ءال-فارابي مۇراجايىنان باستالدى. كەزدەسۋ ۋنيۆەرسيتەتتىڭ اعىمداعى قىزمەتىن باقىلاۋ جانە مونيتورينگ جۇرگىزۋ ءۇشىن  ينتەراكتيۆتى دەرەكتەردى جيناۋ جانە تالداۋعا بارلىق قاجەتتى زاماناۋي قۇرالدارمەن جابدىقتالعان سيتۋاسيالىق ورتالىعىنا جانە ءبىلىم الۋشىلارعا «ءبىر تەرەزە» قاعيداتى نەگىزىندە قۇرىلعان «كەرەمەت» ستۋدەنتتەرگە قىزمەت كورسەتۋ ورتالىعىنا بارۋمەن جالعاستى. ارى قاراي، قازۇپۋ وكىلدەرى «كانگنام سيەۆەرانس» وڭتۇستىك كورەيالىق كلينيكالاردىڭ جەتەكشى ماماندارىنىڭ قاتىسۋىمەن تەلەمەديسينا تەحنولوگياسىن پايدالانىپ، پاسيەنتتەرگە جانە قاشىقتاعى كەڭەس بەرەتىن جاڭا مەديسينالىق جابدىقتارمەن جابدىقتالعان، دياگنوستيكالىق ورتالىعىندا بولدى. ساپاردىڭ قاتىسۋشىلارى قازۇۋ-دىڭ عىلىمي پاركىنىڭ قىزمەتى، حالىقارالىق ىنتىماقتاستىق، ءبىلىم بەرۋ جانە تاربيە جۇمىسىمەن تانىستى.



وقۋ ءىسى جونىندەگى پرورەكتور اسقار حيكمەتوۆ جانە اقپاراتتىق تەحنولوگيالار جانە يننوۆاسيالىق دامۋ ينستيتۋتىنىڭ ديرەكتورى جانل مامىقوۆا «Univer» جۇيەسى تۋرالى پرەزەنتاسيا وكىزدى. پرەزەنتاسيا بارىسىندا بارلىق نەگىزگى باعىتتار بويىنشا قاجەتتى اقپارات الۋعا مۇمكىندىك بەرەتىن (ءبىلىم بەرۋ، عىلىمي، اكىمشىلىك)، ءتيىمدى باسقارۋ شەشىمدەرىن قابىلداۋدى جەڭىلدەتەتىن Univer جۇيەسىنىڭ قاعيداتتارىمەن تانىستىردى. سونىمەن قاتار، جاڭا تەحنولوگيالار مەن ولاردى كىتاپحانا جۇمىسىندا پايدالانۋ مۇمكىندىگى بويىنشا عىلىمي كىتاپحاناعا ەكسكۋرسيا وتكىزىلدى.

ساپار سوڭىندا ءبىرىنشى پرورەكتور ماقتاعالي بەكتەمەسوۆ ۇيىمداستىرۋشىلاردىڭ جۇمىسىن جوعارى باعالاپ، ءىس-شارانىڭ تابىستى وتكەنىمەن قۇتتىقتادى، ۇيىمداستىرۋشىلارعا جىلى قابىلداعانى ءۇشىن العىسىن ءبىلدىردى. سونداي-اق، ۇسىنىلعان قىزمەت كورسەتۋ مودەلدەرى ستۋدەنتتەرگە قولايلى ءومىر ءسۇرۋ جاعدايلارىن قامتاماسىز ەتۋگە ۇمتىلاتىن  باسقا قازاقستاندىق جوعارى وقۋ ورىندارى  ءۇشىن ۇلگى بولاتىنىن اتاپ ايتتى.

 

اباي اتىنداعى قازۇپۋ-دىڭ، قوعاممەن بايلانىس ءبولىمى

 

https://dalanews.kz/32006