Abaı atyndaǵy QazUPÝ jetekshi ǵylymı qyzmetkeri, bıologıa ǵylymdarynyń doktory, profesor O.V. Esyrev lastanǵan aǵyn sýlar men onyń túbinde shógip qalǵan ýly zattardan túrli mıkroorganızmderdiń kómegimen tazartýdyń jolyn usyndy, – dep habarlaıdy «Memlekettik ulttyq ǵylymı-tehnıkalyq saraptama ortalyǵy» AQ Baspasóz qyzmeti.

Ǵalym ǵylymı-zertteý jumysymen aınalysqan sátinde Almaty qalasyndaǵy sýlardyń jáne «Sorbulaq» jasandy kóliniń jaǵdaıyn basshylyqqa alǵan. Óz kezeginde ǵalym atalǵan sý kózderindegi tiri organızmderdi muqıat zerttep, EVM júıesinde olardyń bıologıalyq júıesiniń modelin jasapty. Sonymen qatar ondaǵy tirshilik ıelerine fızıkalyq faktordyń (elektrondy, rentgendik jáne elektromagnıttik árekettesýin) qalaı áser etetinin de keshendi túrde zerttegen.

Mamandar ǵylymı-zertteý jumysynyń qorytyndysy basshylyqqa ala otyryp, elimizdegi óndiristik qaldyqtarmen lastanǵan sý kózderin jáne las sýdy jınaqtaıtyn sý qoımalaryndaǵy ekologıalyq máselelerdi ońtaıly shesheýge bolatynyn alǵa tartty.