Sharaǵa Abai atyndaǵy QazUPÝ rektory Takir Balyqbaev, QR Parlamenti Senatynyń depýtaty Dinar Nóketaeva, QR Tuńǵysh Prezidenti Elbasy kitaphanasynyń jetekshi ǵylymi qyzmetkeri, professor Ǵaziz Telebaev, ýniversitettiń institýt basshylary men bilim alýshylary qatysty.
Is-sharanyń ózi QR Tuńǵysh Prezidenti – Elbasy Nursultan Nazarbaevtyń kitaphanasynyń ǵylymi-kárme jobasy aiasynda túsirilgen «Qazaqstan-Japoniia: iadrolyq qarýsyz álemge jol» derekti filminiń kórsetiliminen bastaldy. Film Elbasynyń iadrolyq qarýsyz álem úshin jahandyq qozǵalystyń damýyna qosqan úlesi men túrli aspektilerine, elimizdiń eń mańyzdy bastamalaryna arnalǵan.
Sondai-aq, filmde Qazaqstan men Japoniianyń búkil álem úshin iadrolyq qarýdyń joiqyn saldary týraly halyqaralyq qaýymdastyqty aqparattandyrýdaǵy birlesken áreketteri týraly baiandalady. Derekti filmniń mindeti – keiingi urpaqqa eki eldiń halyqtary basynan ótkergen qasiret týraly – 1945 jyly Hirosima men Nagasaki qalalaryn bombalaý jáne Semei iadrolyq poligonynda qyryq jylǵa sozylǵan synaqtar týraly aitý bolatyn. Bul jastarymyzdyń el tynyshtyǵy men táýelsizdigin baǵalai bilýi úshin taptyrmas sabaq bolǵany sózsiz.
Is-sharany rektor Takir Balyqbaev ashty. Rektor jinalysqa qatysýshylardyń barlyǵyn QR Tuńǵysh Prezidenti kúnimen quttyqtap, Elbasy Nursultan Nazarbaevtyń tarihi eńbegin atap, onyń basshylyǵymen memleketimiz áleýmettik-ekonomikalyq damýda da, halyqaralyq arenada da óziniń ornyn nyǵaita túskendigin aitty.
[caption id="attachment_48292" align="alignleft" width="321"]
– Qazaqstannyń Tuńǵysh Prezidentin jahandyq iadrolyq qarýǵa qarsy qozǵalystyń kóshbasshysy retinde álemdik qoǵamdastyq ádil moiyndap otyr. Muny Nursultan Nazarbaevtyń iadrolyq qarýsyzdaný isine qosqan zor úlesi úshin ár jyldary Japoniianyń eń joǵary memlekettik nagradalarymen marapattaýy rastaidy, – dedi rektor.
Stýdentter aldynda depýtat Dinar Nóketaeva men professor Ǵaziz Telebaev ashyq dárister oqydy.
Dinar Náketaeva Tuńǵysh Prezident kúniniń mańyzdylyǵyn, Elbasy N.Á.Nazarbaevtyń el táýelsizdiginiń qalyptasýyndaǵy rálin, onyń álemdik saiasattaǵy bedelin atap átti.
Ǵaziz Telebaev tyńdaýshylardy QR Tuńǵysh Prezidenti – Elbasy Nursultan Nazarbaevtyń kitaphanasy qyzmetimen tanystyryp, onyń qorynda jinalǵan materialdar týraly áńgimeledi.
Dáriskerler Qazaqstannyń táýelsiz memleket retinde qalyptasý tarihy, N.Á.Nazarbaevtyń tarihi róli týraly óz oilaryn aitty, sondai-aq, táýelsiz el bolashaǵyndaǵy stýdent-jastardyń róline nazar aýdardy. Qatysýshylardyń barlyq suraqtaryna tolyq jaýaptar berildi.
Jastar atynan Filologiia jáne kóptildi bilim berý institýtynyń stýdenti Dilnaz Iýsýpova sóz sóilep, tanymdyq dáristi uiymdastyrýshylarǵa alǵysyn bildirdi. «Birlik» stýdenttik Assableiasynyń músheleri «Elim meniń» ánin oryndady.
[caption id="attachment_48293" align="aligncenter" width="803"]
Rimma JANBAEVA
