جاقىندا اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە ق ر تۇڭعىش پرەزيدەنتى كۇنىنە وراي «قازىرگى قازاقستان. ەلباسىنىڭ كوشباسشىلىعىنىڭ ساباقتارى» جالپىرەسپۋبليكالىق اشىق ساباق ءاتتى.

شاراعا اباي اتىنداعى قازۇپۋ رەكتورى تاكير بالىقبايەۆ، ق ر پارلامەنتى سەناتىنىڭ دەپۋتاتى دينار نوكەتايەۆا، ق ر تۇڭعىش پرەزيدەنتى ەلباسى كىتاپحاناسىنىڭ جەتەكشى عىلىمي قىزمەتكەرى، پروفەسسور عازيز تەلەبايەۆ، ۋنيۆەرسيتەتتىڭ ينستيتۋت باسشىلارى مەن ءبىلىم الۋشىلارى قاتىستى.

ءىس-شارانىڭ ءوزى ق ر تۇڭعىش پرەزيدەنتى – ەلباسى نۇرسۇلتان نازاربايەۆتىڭ كىتاپحاناسىنىڭ عىلىمي-كارمە جوباسى اياسىندا تۇسىرىلگەن «قازاقستان-جاپونيا: يادرولىق قارۋسىز الەمگە جول» دەرەكتى ءفيلمىنىڭ كورسەتىلىمىنەن باستالدى. فيلم ەلباسىنىڭ يادرولىق قارۋسىز الەم ءۇشىن جاھاندىق قوزعالىستىڭ دامۋىنا قوسقان ۇلەسى مەن ءتۇرلى اسپەكتىلەرىنە، ەلىمىزدىڭ ەڭ ماڭىزدى باستامالارىنا ارنالعان.

سونداي-اق، فيلمدە قازاقستان مەن جاپونيانىڭ بۇكىل الەم ءۇشىن يادرولىق قارۋدىڭ جويقىن سالدارى تۋرالى حالىقارالىق قاۋىمداستىقتى اقپاراتتاندىرۋداعى بىرلەسكەن ارەكەتتەرى تۋرالى باياندالادى. دەرەكتى ءفيلمنىڭ مىندەتى – كەيىنگى ۇرپاققا ەكى ەلدىڭ حالىقتارى باسىنان وتكەرگەن قاسىرەت تۋرالى – 1945 جىلى حيروسيما مەن ناگاساكي قالالارىن بومبالاۋ جانە سەمەي يادرولىق پوليگونىندا قىرىق جىلعا سوزىلعان سىناقتار تۋرالى ايتۋ بولاتىن. بۇل جاستارىمىزدىڭ ەل تىنىشتىعى مەن تاۋەلسىزدىگىن باعالاي ءبىلۋى ءۇشىن تاپتىرماس ساباق بولعانى ءسوزسىز.

ءىس-شارانى رەكتور تاكير بالىقبايەۆ اشتى. رەكتور جينالىسقا قاتىسۋشىلاردىڭ بارلىعىن ق ر تۇڭعىش پرەزيدەنتى كۇنىمەن قۇتتىقتاپ، ەلباسى نۇرسۇلتان نازاربايەۆتىڭ تاريحي ەڭبەگىن اتاپ، ونىڭ باسشىلىعىمەن مەملەكەتىمىز الەۋمەتتىك-ەكونوميكالىق دامۋدا دا، حالىقارالىق ارەنادا دا ءوزىنىڭ ورنىن نىعايتا تۇسكەندىگىن ايتتى.

[caption id="attachment_48292" align="alignleft" width="321"] ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟[/caption]

–  قازاقستاننىڭ تۇڭعىش پرەزيدەنتىن جاھاندىق يادرولىق قارۋعا قارسى قوزعالىستىڭ كوشباسشىسى رەتىندە الەمدىك قوعامداستىق ءادىل مويىنداپ وتىر. مۇنى نۇرسۇلتان نازاربايەۆتىڭ يادرولىق قارۋسىزدانۋ ىسىنە قوسقان زور ۇلەسى ءۇشىن ءار جىلدارى جاپونيانىڭ ەڭ جوعارى مەملەكەتتىك ناگرادالارىمەن ماراپاتتاۋى راستايدى، – دەدى رەكتور.

ستۋدەنتتەر الدىندا دەپۋتات دينار نوكەتايەۆا مەن پروفەسسور عازيز تەلەبايەۆ اشىق دارىستەر وقىدى.

دينار ناكەتايەۆا تۇڭعىش پرەزيدەنت كۇنىنىڭ ماڭىزدىلىعىن، ەلباسى ن.ءا.نازاربايەۆتىڭ ەل تاۋەلسىزدىگىنىڭ قالىپتاسۋىنداعى ءرالىن، ونىڭ الەمدىك ساياساتتاعى بەدەلىن اتاپ ءاتتى.

عازيز تەلەبايەۆ تىڭداۋشىلاردى ق ر تۇڭعىش پرەزيدەنتى – ەلباسى نۇرسۇلتان نازاربايەۆتىڭ كىتاپحاناسى قىزمەتىمەن تانىستىرىپ، ونىڭ قورىندا جينالعان ماتەريالدار تۋرالى اڭگىمەلەدى.

دارىسكەرلەر قازاقستاننىڭ تاۋەلسىز مەملەكەت رەتىندە قالىپتاسۋ تاريحى، ن.ءا.نازاربايەۆتىڭ تاريحي ءرولى تۋرالى ءوز ويلارىن ايتتى، سونداي-اق، تاۋەلسىز ەل بولاشاعىنداعى ستۋدەنت-جاستاردىڭ رولىنە نازار اۋداردى. قاتىسۋشىلاردىڭ بارلىق سۇراقتارىنا تولىق جاۋاپتار بەرىلدى.

جاستار اتىنان فيلولوگيا جانە كوپتىلدى ءبىلىم بەرۋ ينستيتۋتىنىڭ ستۋدەنتى ديلناز يۋسۋپوۆا ءسوز سويلەپ، تانىمدىق ءدارىستى ۇيىمداستىرۋشىلارعا العىسىن ءبىلدىردى. «بىرلىك» ستۋدەنتتىك اسسابلەياسىنىڭ مۇشەلەرى «ەلىم مەنىڭ» ءانىن ورىندادى.

[caption id="attachment_48293" align="aligncenter" width="803"] ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟[/caption]

ريمما جانبايەۆا